Monique Alvarez: “10 arsye fantastike pse duhet të vizitoni Shqipërinë”


Monique Alvarez ka përdorur përvojën e saj mbi 10 vjeçare të sipërmarrjes dhe lidershipit për të ndihmuar gratë në mbarë botën të bëhen themeluese të fuqishme biznesi. Ajo është autore, konsulente ndërkombëtare biznesi, një nomade dixhitale dhe aktualisht jeton në Tiranë, Shqipëri me bashkëshortin e saj dhe dy fëmijët e vegjël.

Në këtë artikull Business Magazine ju tregon eksperiencën e saj dhe disa nga arsyet pse Monique këshillon të gjithë të vizitojnë Shqipërinë. 

“Ndërsa rritesha në Koloradon rurale nuk kishte asgjë që dëshiroja më shumë sesa të shihja botën. Kam udhëtuar shumë përmes faqeve të National Geographic. I mbusha fletët me listën e vendeve që do më pëlqente t’i shikoja.

Lexoni: Shqipëria një nga rajonet që përdor më shumë Instagram

Ndërkohë që Shqipëria kurrë nuk ishte në listë, ajo do të bëhej vendi që gjeti rrugën më të thellë në zemrën time.

Pas një udhëtimi veror në Myanmar, vendosa të merrja pjesë në një trajnim në Floridën Qendrore, ku mësova të jetoj pa gjërat që shumica prej nesh i marrin si të mirëqena, si uji i rrjedhshëm dhe energjia elektrike. Një natë ndërkohë që hanim darkë nën dritën e qiririt, diskutimi shkoi për krizën e Kosovës dhe se si një jetimore në Shqipëri po kërkonte vullnetarë.

Unë nuk mund ta largoja Shqipërinë nga mendja.

Isha duke mbushur 22 vjeç dhe nuk kisha asnjë ide se çfarë do të bëja me jetën time. E dija që kisha nevojë vetëm që të ndiqja zemrën time. Shumë njerëz më pyesin pse Shqipëria?

Ky vend i vogël është pikërisht vendi ku kam gjetur veten dhe jetën që kam dashur të jetoj.

Ky nuk është një vend, i cili ka ngelur në të kaluarën. Po, shqiptarët kanë kaluar nëpër kohë tepër të vështira, me liderë të pashpirt, por ata po ecin përpara. Ky është një vend i mbushur me premtime dhe optimizëm dhe patjetër një nga perlat më të nënvlerësuara në botë.”

10 arsye që ju do të dëshironit të rezervoni biletën tuaj për në Shqipëri këtë vit!

  1. Në shumë vende nuk ka nevojë të aplikoni për vizë para se të arrini aty. Në fakt, amerikanët që janë të interesuar të qëndrojnë më gjatë mund të përfitojnë nga një vizë 1 vjeçare pas hyrjes. Në fund të vitit mund të aplikojmë për qëndrim ose të largohen për 3 muaj. Nëse jeni të interesuar të jeni një familje udhëtuese, një nomad dixhital, ose të dilni në pension këtu, harrojini vizat dhe gëzojeni këtë vend për 12 muaj!
  2. Shqipëria është një nga vendet më tolerante të botës. Ka të krishterë, ortodoksë dhe muslimanë, të cilët jetojnë të qetë këtu. Feja e vërtetë është tradita e lashtë e tyre e mikpritjes.
  3. Bukuria natyrore e Shqipërisë është befasuese. Ata kanë male të mahnitshme, plazhe mahnitëse, liqene, lumenj … çdo gjë e bukur është këtu. Kishim kënaqësinë të kalonim verën në Ksamil dhe tani jemi në kryeqytet, Tiranë. Unë kam qenë kudo dhe mund t’ju them se çdo vend ka një bukuri mahnitëse.
  4. Kostoja e jetesës është e ulët. Nëse jeni duke planifikuar një pushim dy javor ose keni në mendje të lëvizni këtu, do të keni një kosto jetese shumë të ulët. Një udhëtim me taksi zakonisht do të kushtojë rreth 2- 4 $, një vakt i mirë për dy persona mund të jetë 15 $, një apartament me 2 dhoma gjumi në një zonë të mrekullueshme të qytetit mund të shkojë 400- 500 $.
  5. Ushqimi është kaq i mirë! Nga adhuruesit e mishit dhe ushqimet e detit deri tek vegjetarianët, mundësitë janë këtu. Restorantet janë kudo dhe mund të porosisësh darkën të të vijë edhe në derën tënde nga mbi 80 vende në Tiranë, sidomos kur shkarkoni aplikacionin “Baboon” në telefonin tuaj. Tregjet e freskëta janë në çdo cep dhe ushqimi “organik” është norma.
  6. Është vend i sigurtë! Krimi është pothuajse jo-ekzistent. Gratë mund të ecin vetëm, madje edhe natën dhe të mos shqetësohen. Zakonisht dal me fëmijët e mi dhe përdor shërbimin lokal të taksive pa asnjë problem. Gjithmonë më befason sa shpesh bëhet kjo pyetje, sepse ndihem më i sigurtë në Shqipëri sesa në SHBA.
  7. Shqiptarët nuk janë mësuar ende me idenë e turistëve, por ata i duan të huajt. Ata janë të entuziazmuar kur ne vizitojmë ose shkojmë në vendin e tyre dhe bëjnë çdo gjë për të na ndihmuar nëse kemi nevojë për ta. Transporti është shpesh gjëja më e vështirë, por Furgonët (fjala për mini-autobusët) janë mënyra më e mirë për të lëvizur turistët këtu.
  8. Shumë vendas flasin gjuhën angleze. Në fakt, shumica e shqiptarëve flasin 4 ose 5 gjuhë, duke përfshirë greqishten, italishten, spanjishten dhe gjermanishten. Siç mund ta imagjinoni, iu shkrihet zemra kur ju përpiqeni të mësoni disa fjalë në gjuhën shqipe. Nuk është krejtësisht e qartë se si dhe nga evoloi gjuha shqipe,  shpesh mendohet se kjo gjuhë rrjedh nga ilirët, por nuk ka dëshmi të mjaftueshme për ta konfirmuar përfundimisht atë.
  9. Interneti është i shpejtë dhe gjerësisht i disponueshëm. Nëse punoni në internet, kjo është jashtëzakonisht e rëndësishme. Nëse nuk jeni në zona të largëta rurale, shumica e hoteleve, restoranteve dhe dyqaneve ofrojnë wi-fi falas. Nëse jeni duke kërkuar të qëndroni më gjatë, interneti mund të krijohet brenda një ose dy ditësh me 100mb që kushton rreth 30 dollarë në muaj.
  10. Është e vendosur në mënyrë të përkryer për të shijuar Europën Perëndimore, Europën Lindore dhe Ballkanin. Nëse udhëtoni nga Greqia, ka fluturime, anije dhe autobusë. Një nga mënyrat më të lehta për të shkuar në Shqipërinë jugore është duke fluturuar në Korfuz dhe duke marrë tragetin nga atje. Fluturimet e rregullta nga Roma, Londra, Frankfurtu dhe Stambolli brenda dhe jashtë Tiranës janë të zakonshme.

Lexoni: Vado in Albania: Shqipëria përmes syve të italianëve

burimi: HuffingtonPost

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale