Ka shumë vende ku mund të zhvendoseni nëse dëshironi të zgjasni sa më shumë vlerën e parave tuaja, veçanërisht gjatë pensionit apo nëse jeni një nomad digjital. Por nëse jeni ndër ata që “notoni në para” (po, edhe në këtë ekonomi), atëherë qyteti që sapo është shpallur si më i shtrenjti në botë mund të jetë pikërisht për ju.
Henley & Partners, një kompani që ndihmon individët me opsione për rezidencë dhe shtetësi përmes investimit, në bashkëpunim me firmën globale të inteligjencës së pasurisë New World Wealth, ka publikuar raportin e përvitshëm World’s Wealthiest Cities Report (Raporti për Qytetet më të Pasura në Botë). Ky raport përdor të dhënat ekskluzive të migrimit të pasurisë nga New World Wealth dhe analizat e thelluara nga Henley & Partners për trendet e migrimit përmes investimeve. Të dy kompanitë kanë mbi një dekadë kërkimesh në këtë fushë, duke garantuar një bazë të dhënash të fuqishme dhe të thelluar mbi lëvizjet dhe preferencat e individëve me pasuri të lartë neto dhe familjeve të tyre.
Lexo edhe:Çfarë fshihet pas ngritjes së furishme të argjendit në 2025?
Çfarë e bën qytetin fitues kaq të shtrenjtë? E thënë thjesht: në Monako, çmimet për një apartament me sipërfaqe nga 100 deri në 200 metra katrorë (rreth 1,076 deri në 2,152 këmbë katrore) arrijnë rregullisht mbi 38,800 dollarë amerikanë për metër katror. Me këtë llogari, një apartament i thjeshtë prej 100 metra katrorë në Monako kap vlerën marramendëse prej 3.88 milionë dollarësh. Në vend të dytë renditet New York City, një tjetër kampion i çmimeve të larta në pasuri të paluajtshme, me çmim mesatar për pasuri të patundshme luksoze prej 27,500 dollarë për metër katror. Lista vazhdon me Hong Kongun në vend të tretë (26,300 $/m²), Londrën në vend të katërt (24,000 $/m²) dhe Saint-Jean-Cap-Ferrat në Francë që plotëson pesëshen e parë me 21,200 $/m². Franca, në fakt, përfaqësohet nga më shumë qytete në këtë listë se çdo vend tjetër , 6 gjithsej: Parisi, Saint-Jean-Cap-Ferrat, Nica, Cannet, Antibes dhe Èze, duke u renditur para SHBA-së që ka katër përfaqësues: New York City, Los Angeles, Palm Beach dhe Miami Beach.
Raporti nënvizon gjithashtu se Parisi ka marrë vendin e gjashtë këtë vit, me një çmim mesatar prej 20,400 dollarë për metër katror, duke dëshmuar një rritje të ndjeshme të interesit dhe çmimeve në kryeqytetin francez. Pra, nëse ndodheni në pozicionin fatlum të dikujt që ka miliona në llogari ose ndoshta një kasafortë plot me ar në stilin e famshëm të Scrooge McDuck, ndoshta është momenti të mendoni për një blerje në Monako.
Dhe, pse jo… na ftoni edhe neve për një vizitë!
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
