E nominuar në “Inspiration Awards for Women” në Angli, psikologia shqiptare Mirela Sula ka fituar çmimin “Gruaja frymëzuese 2015”, çmim për të cilin ishin përfshirë figurat më të rëndësishme përgjatë vitit. Arsyetimi i nominimit për këtë çmim prestigjioz është bazuar edhe në faktin se Sula nuk ka më shumë së 3 vjet qëndrim në Britani të Madhe, por që ka arritur suksese që do të ishin frymëzim për shumë gra.
Vlerësohet edhe për botimin e shumë librave dhe organizimin e shumë ngjarjeve, duke përfshirë edhe konferencën e suksesshme të Londrës që është mbajtur brenda këtij viti, ku janë përfshirë arritjet e grave emigrante. Ajo është larguar nga Tirana dhe ka vazhduar të njëjtën karrierë me akoma më shumë sukses në Londrën e largët.
Ka lënë në mes një karrierë të nisur herët në Tiranë, ku drejtonte një revistë, për ta rinisur jetën dhe karrierën në një “botë” krejt tjetër. Dhe po njësoj, ajo drejton atje revistën e saj “Global Woman”. “Ishte një nevojë për të dalë dhe eksploruar mundësi të reja përtej territoreve të tua, pas zhgënjimeve që ke përjetuar brenda gardhit të shtëpisë tënde”, ka thënë ajo për “Vip Pages” pak javë më parë.
/BalkanWeb/
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
