Miratohet vendimi për fashat. Nga 1 tetori mbi 800 kilovat/orë, energjia paguhet 4 herë më shtrenjtë - Business Magazine Albania

Miratohet vendimi për fashat. Nga 1 tetori mbi 800 kilovat/orë, energjia paguhet 4 herë më shtrenjtë

Nga 1 tetori familjet që konsumojnë mbi 800 kilovat/orë energji në muaj do të paguajnë një çmim 4 herë më të lartë. Enti Rregullator i Energjisë në mbledhjen e bordit të datës 23 shtator miratoi fashën e re të energjisë, pas propozimit nga Korporata Elektroenergjitike Shqiptare. 

Familjet shqiptare sot e paguajnë energjinë me çmimin 9.5 lekë kilovatin për orë, ndërsa shtuar edhe TVSH-në, çmimi final shkon në 11 lekë kilovat për orë. Në këto kushte një familje që harxhon 800 kilovat/orë në muaj paguan  9 220 lekë. Nëse e kaloni këtë shumë, çmimi do të llogaritet me 42.85 lekë.

Me këtë rritje çmimi mbi fashën, OSHEE synon që të mbledhë 1.8 miliardë lekë apo 15.5 milion euro, të cilat do të përdoren për blerjen e energjisë në import gjatë tre muajve të mbetura.

Lexo edhe: Mbi 800 kWh, energjia do të kushtojë mbi 4 herë më shumë

Deri më tani KESH ka harxhuar rreth 350 milionë euro për importin, një faturë e cila po mbaron me shpejtësi edhe fondet buxhetore. Në blerjen e saj të fundit çmimi mesatar i energjisë arriti në 435 euro mw/h.

Nga vendimi gjatë muajit tetor janë 49 334 familje që preken nga rritja e çmimit të energjisë gati 4% e abonentëve familjarë. Ndërkohë, në nëntor dhe dhjetor, numri i abonentëve të prekur pëson një rritje të ndjeshme në 71 278 ose gati 8% e numrit total të abonentëve.

Ndërkohë, vlen për tu theksuar se bizneset e vogla të lidhura në tension të ulët nuk do të preken nga këto fasha. Ata do vazhdojnë që çmimin e energjisë elektrike ta paguajnë 14 lekë kilovatin për orë.

Ministria e Energjisë ka thënë se fashat do të jenë në fuqi deri në dhjetor të këtij viti, ndërsa më pas do të bëhet një rishikim i skemës.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #29 - Korrik 2022

Art në biznes & biznes me art

Ky numër vjen me tema të fushave të paprekura më parë nga ne.

Sipërmarrja gjendet kudo, ndaj këtë radhë u ndalëm tek industria e modës dhe kinematografia. Arti është një fushë ku mund të lulëzojnë shumë sipërmarrje të suksesshme. Përmes investimit në art, jo vetëm bëjmë biznes, por i shërbejmë shumë më tepër identitetit shqiptar, duke krijuar mundësi të promovohen e të njihen në tregje globale, vendi, kultura dhe tradita shqiptare. Pra, të hapet rruga edhe për turizëm dhe eksporte më të mëdha.

Sot vijmë me artikuj dedikuar modës, sfidave aktuale, ndikuar nga kriza e çmimeve të larta, por edhe mundësive për zbulimin e talenteve. Muza Competition, konkursi i artistëve të rinj u kurorëzua me 10 finalistë nga diaspora dhe fitoren e një vajze të re. E sapodiplomuar në Amerikë, Alisa Dudaj, spikati, duke treguar me punimet e saj talentin dhe vlerësimin e traditës. Businessmag beson tek talentet dhe synon të frymëzojë përmes tyre. Në fushën e artit ju mund të nisni një startup, ndaj në faqen kryesore sjellim stilisten e re.

Një tjetër industri që po lulëzon mes vështirësish është ajo e kinematografisë. Financat publike vendase janë të ulëta dhe kineastët kërkojnë vë…

Shiko më shumë
Na ndiqni në rrjetet sociale
0