Miratohet leja e ndërtimit për investimin strategjik në bujqësi, “Doni Fruits” Shqipëri


Zhvilluesi më i madh i tregtisë bujqësore në vend pritet të nisë ndërtimin e objektit të grumbullimit e përpunimit të prodhimeve.

Këshilli Kombëtar i Territorit ka miratuar sot lejen e ndërtimit të objektit me sipërfaqe 1.6 hektarë në Lushnje. Kjo i hap dritën jeshile kompanisë Doni Fruits për të realizuar investimin prej 8 milionë eurosh. Leja e ndërtimit parashikon ngritjen e  “Qendrës së grumbullimit, ruajtjes, distribuimit dhe eksportit të frutave, perimeve dhe agrumeve”.

Sipërfaqja e kësaj qendre (tokë dhe objekt) e blerë tashmë nga kompania, është 3.2 hektarë.

Investimi pritet të hapë direkt 300 vende pune dhë të ndikojë në mënyrë indirekte në 6000-7000 vende pune në të gjithë Shqipërinë.

Fatos Mustafa, i cili ka lobuar për këtë projekt, inkurajon fermerët të rrisin prodhimet bujqësore. “Doni Fruits” parashikon të furnizojë tregun e brendshëm dhe të eksportojë prodhimet bujqësore në tregun Botëror. Mustafa thotë për Businessmag.al se, “me këtë nismë, krijohet mundësia të mos mbetet djerrë asnjë metër tokë bujësore, të rriten eksportet dhe të tkurren importet bujqësore. Projekti, sipas tij, do të ketë teknikën më moderne në Shqipëri”.

Vitet e fundit, investimet në grumbullimin, ruajtjen e paketimin e produkteve janë shtuar. Kjo ka sjellë rritje të eksporteve 10% -15% në vit. Megjithatë importet  e prodhimeve bujqësore vijojnë të mbeten të larta.

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale