Në një dalje për mediat, ministrja e Financave Delina Ibrahimaj u ndal edhe të buxheti për vitin e ardhshëm, për të cilin ka nisur puna. Drafti, shtoi ajo, do të jetë gati brenda tetorit ndërsa theksoi se nuk priten ndryshime të mëdha në taksa e tatime.
“Do shoqërohet me paketën fiskale. Nuk synojmë të kemi ndryshime domethënëse në paketën fiskale. Do mbështesim kategoritë e bizneseve dhe individët pa prekur politikat fiskale, të cilat do të sillnin një çoroditje të financave publike. Nuk ka surpriza. I vetmi element që pritet të ndryshojë është ligji i Tatimt mbi të Ardhurat, për profesionet e lira.” – tha Ibrahimaj.
Lexo edhe: Ibrahimaj: Rritet aktiviteti ekonomik. Amnistia jo për të gjithë
Pavarësisht ngadalësimit të ekonomisë në tremujorin e dytë në 2.2%, qeveria është optimiste dhe vazhdon t’i qëndrojë parashikimit për një rritje vjetore prej 3.2%, e cila sipas saj, do të mbështet nga turizmi. Turizmi këtë vit ka rezultuar pozitiv, jo vetëm në numër vizitorësh, por edhe në prurjet për ekonominë.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.