Miliarderët amerikanë, 434 miliardë dollarë më të pasur pas pandemisë - Business Magazine Albania

Miliarderët amerikanë, 434 miliardë dollarë më të pasur pas pandemisë

Miliarderë

Kur shumë amerikanë po përballen me vështirësi financiare nga përhapja e koronavirusit, miliarderët amerikanë panë një rritje të vlerës neto në dy muajt e parë të pandemisë.

Një raport i botuar nga qendra Think Tank me qendrime të majta “Amerikanët për Drejtësinë e Taksave dhe Institutin për Studime të Politikave”, vlera totale neto e të gjithë miliarderëve amerikanë u rrit 434 miliardë dollarësh që nga 19 Marsi, kur u vendosën shumë shtete të SHBA-së në izolim.

Forbes vlerëson se 623 miliarderë jetojnë në SHBA, përfshirë CEO-n e Amazon Jeff Bezos, bashkëthemeluesin e Microsoft Bill Gates, bashkëthemeluesin e Facebook Mark Zuckerberg, investitorin Warren Buffett dhe themeluesin e Oracle, Larry Ellison. Sipas raportit vetëm këta pesë miliarderë patën një rritje të pasurisë në total 75.5 miliardë dollarë, ose 19% e totalit të rritjes.

Lexo: Bill Gates: E paralajmërova presidentin Trump për rrezikun e pandemisë

Në total, rreth 600 miliarderë amerikanë panë që pasuria e tyre të rritet për dy muaj nga 2.948 trilionë dollarë në 3.382 trilionë dollar.

“Pandemia ka zbuluar pasojat vdekjeprurëse të hendekut të pasurisë në Amerikë dhe miliarderët janë simboli i ndritshëm i asaj pabarazie ekonomike”, tha drejtori ekzekutiv i Drejtësisë së Taksave Frank Clemente.

Sipas tij, “Pas-pandemisë, të pasurit dhe korporatat duhet të fillojnë të paguajnë pjesën e tyre të drejtë të taksave, në mënyrë që të mund të ndërtojmë një shoqëri që funksionon për të gjithë, jo vetëm miliarderët dhe të tjerët në krye.

Lexo: Elon Musk synon që SpaceX të lançojë gjeneratën e ardhshme të teleskopëve hapësinorë

Ky raport vjen ndërsa po rritet numri i amerikanëve që bëjnë kërkesë për pagesat e papunësisë. Pretendimet javore të të papunëve në SHBA arritën në 2.4 milionë. Në 9 javët e fundit totali i të papunëve arriti në 39 milionë.

Saloni Sardana, raportuesi i Markets Insider, ka theksuar më parë se nga hulumtimi i Forbes pasuria e miliarderëve amerikanë ra në Mars në 2.9 trilionë dollarë nga 3.1 trilionë dollarë që ishte në 2019, ndonëse raportet e mëtejshme tregojnë se pasuria e tyre është rritur.

Businessinsider

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0