Mënyrat më të mira për të kërkuar punë nëse jeni një introvert - Business Magazine Albania

Mënyrat më të mira për të kërkuar punë nëse jeni një introvert

Kërkimi i një pune mund të duket vetë si një punë e lodhshme me kohë të plotë. Por, nëse jeni një introvert, mund të ndiheni edhe më të dëshpëruar dhe të lodhur nëse ju duhet ta shfaqni veten tuaj në disa aspekte që nuk përputhen domosdoshmërisht me mënyrën se si jeni në jetën tuaj të përditshme. Pra, nëse ju ka ardhur në majë të hundës nga këshilla të tilla si “thjesht vazhdoni të aplikoni” ose “krijoni sa më shumë njohje të reja”, atëherë jini të sigurt se nuk jeni të vetmit. Ka mënyra të tjera për të arritur sukses në karrierën tuaj dhe për të gjetur një punë të re që do ta doni me gjithë zemër.

Këtu janë tre mënyrat më efektive për të kërkuar punë nëse jeni një introvert.

Mos aplikoni nëpër punë të ndryshme 24/7 dhe fokusohuni te cilësia, jo te sasia

Mund të keni dëgjuar se, nëse doni të gjeni një punë të re, atëherë duhet të aplikoni te sa më shumë vende pune që të jetë e mundur. Por, si një introvert i zhytur në mendime, i vetëdijshëm dhe reflektues, mund të jetë më mirë që të ndiqni një qasje tjetër gjatë kërkimit tuaj për një punë të re.

Në vend që të dërgoni CV-në kudo dhe të shpresoni për më të mirën, shpenzoni pak kohë për të reflektuar mbi atë që ju duhet në të vërtetë për të shkëlqyer në pozicionin tuaj të ardhshëm. Pastaj, përqendrohuni që të gjeni pozicione dhe kompani që përputhen me nevojat tuaja.

Kjo do t’ju bëjë të ndiheni më të emocionuar për pozicionet për të cilat po aplikoni. Kështu, cilësia e aplikimit do të jetë më e mirë dhe do të keni më shumë mundësi për të bërë dallimin nga të tjerët. Gjithashtu, kjo do të zvogëlojë numrin e aplikimeve që dërgoni çdo javë.

Lexo: 5 arsye pse shkrimi i një libri është një lëvizje e zgjuar për sipërmarrësit

Përcaktoni një kohë të dedikuar për të kërkuar punë dhe më pas shijoni jetën tuaj

Si dikush që pëlqen vetminë, mund të mos e keni problem që ta kaloni gjithë kohën tuaj të lirë duke kërkuar për një punë të re. Megjithatë, me kalimin e kohës, kjo mund të bëjë që kërkimi për punë të zërë pjesën më të madhe të jetës tuaj, duke ndikuar te marrëdhëniet dhe mirëqenia juaj.

Pra, në vend që të shpenzoni çdo moment të kohës të lirë duke kërkuar për një punë të re, përcaktoni një orar të dedikuar për të kërkuar punë dhe më pas vazhdoni të shijoni jetën.

Vendosni se cilat ditë të javës do t’ia përkushtoni kërkimit për një punë të re dhe zgjidhni oraret gjatë këtyre ditëve që janë më të përshtatshme për ju, bazuar te planet që keni bërë.

Në këtë mënyrë, do të jeni në gjendje ta shfrytëzoni vetminë që ju pëlqen aq shumë për të përparuar në kërkimin tuaj për një punë të re, pa qenë nevoja për të anashkaluar marrëdhëniet me rrethin e ngushtë shoqëror dhe me familjen.

Hiqni dorë nga “njohjet” tipike dhe ndërtoni marrëdhënie të vërteta

Sipas këshillave tipike për kërkimin e një pune të re, mund t’ju duhet që të krijoni sa më shumë njohje me sa më shumë njerëz që të jetë e mundur, nëse doni që të mësoni për mundësitë e reja të punësimit. Megjithatë, nëse jeni një introvert, vetëm ideja se duhet ta bëni këtë gjë mund t’ju bëjë të ndiheni në siklet. Sigurisht, marrëdhëniet janë thelbësore dhe ato ju ndihmojnë për të përparuar në karrierën tuaj.

Por, në vend që të shpenzoni energjinë duke u përpjekur për të krijuar marrëdhënie me të gjithë, shfrytëzoni faktin që ju preferoni lidhje më të mirëmenduara me njerëzit dhe përqendrohuni te ndërtimi i marrëdhënieve të vërteta, autentike me ata që i admironi dhe dëshironi realisht t’i njihni.

Nëse zgjidhni me kujdes lidhjet tuaja me njerëzit, do të keni më shumë mundësi për të krijuar marrëdhënie të qëndrueshme dhe të dobishme me ata persona që vlerësojnë qasjen tuaj të mirëmenduar dhe që duan sinqerisht t’ju ndihmojnë të arrini qëllimet tuaja në karrierë.  Forbes

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #29 - Korrik 2022

Art në biznes & biznes me art

Ky numër vjen me tema të fushave të paprekura më parë nga ne.

Sipërmarrja gjendet kudo, ndaj këtë radhë u ndalëm tek industria e modës dhe kinematografia. Arti është një fushë ku mund të lulëzojnë shumë sipërmarrje të suksesshme. Përmes investimit në art, jo vetëm bëjmë biznes, por i shërbejmë shumë më tepër identitetit shqiptar, duke krijuar mundësi të promovohen e të njihen në tregje globale, vendi, kultura dhe tradita shqiptare. Pra, të hapet rruga edhe për turizëm dhe eksporte më të mëdha.

Sot vijmë me artikuj dedikuar modës, sfidave aktuale, ndikuar nga kriza e çmimeve të larta, por edhe mundësive për zbulimin e talenteve. Muza Competition, konkursi i artistëve të rinj u kurorëzua me 10 finalistë nga diaspora dhe fitoren e një vajze të re. E sapodiplomuar në Amerikë, Alisa Dudaj, spikati, duke treguar me punimet e saj talentin dhe vlerësimin e traditës. Businessmag beson tek talentet dhe synon të frymëzojë përmes tyre. Në fushën e artit ju mund të nisni një startup, ndaj në faqen kryesore sjellim stilisten e re.

Një tjetër industri që po lulëzon mes vështirësish është ajo e kinematografisë. Financat publike vendase janë të ulëta dhe kineastët kërkojnë vë…

Shiko më shumë
Na ndiqni në rrjetet sociale
0