“We build software for humans” ky është slogani i kompanisë Division5, themeluesi e të cilës ishte në serinë e takimeve “Meet the enterpreneur” në Barleti Hub.
Engjëll Raklli, themelues i Division5 që nga viti 2015 ndau historinë e tij të rrugëtimit sipërmarrës me pjesëmarrësit.
Duke folur mbi vështirësitë në hapat e para, vizionin e Division5, mbështetja që ka marrë nga ekosistemi i startup-eve dhe kontributi që po jep për t”i ardhur në ndihmë këtij ekosistemi.
Sot, një nga problemet kryesore në vendet e Ballkanit Perëndimor është edhe brain drain, ikja e të rinjve të mirëarsimuar, të rinjve me eksperience, duke e bërë të vështirë për kompanitë shqiptare për të gjetur punonjës. Por pyetjes nëse është problem për Division5, për të gjetur punonjës të përgatitur ai i përgjigjet:
“ Jo! Por, problemi kryesor tek ne është për të gjetur punonjës që kanë kulturën tonë të punës dhe që janë proaktiv”.
Lexo: Kompanitë shqiptare të IT tërheqin vëmendjen e investitorëve të huaj
Gjendur përballë pasojave që Covid19 ka krijuar në bizneset, për Division5 ky nuk ka qenë probleme pasi e kanë parë këtë “krizë” si oportunitet.
Engjelli, ka ndjekur evente të ndryshme që lidhen me ekosistemin e startup-eve dhe sot ai është bërë një nga kontribuesit në këtë ekosistem. Ai shprehet se është i gatshëm të ndihmoj çdo startup që ka nevojë për mentorim nga ana e tij. Ndërsa Division5, që nga viti i kaluar është partner për Shqipërinë i Pirate Global, dhe në vijim do të prezantojnë një program i cili do t’ju vij në ndihmë startup-eve në Shqipëri.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
