Me një postim në Twitter, Lego shpjegoi rregullin më të rëndësishëm që të gjithë duhet ta ndjekin - Business Magazine Albania

Me një postim në Twitter, Lego shpjegoi rregullin më të rëndësishëm që të gjithë duhet ta ndjekin

rregullin

Kreativiteti është një muskul.

Në parim, do të ishte e lehtë të hidhej poshtë kjo si klishe. Kjo fjali e vetme është një nga rregullat më të rëndësishme të krijimtarisë dhe si rezultat një nga rregullat më të rëndësishme të jetës.

Kreativiteti është një gjë argëtuese. Shumë njerëz mendojnë se nuk janë aspak krijues, por kjo thjesht nuk është e vërtetë. Problemi është se për shumicën e jetës sonë, ne jemi të kushtëzuar të ngjyrosim brenda vijave. Ne e kalojmë fëmijërinë tonë duke mësuar për t’u paraqitur profesionalisht me shpresën se do të gjejmë një punë ku dikush do të na thotë se çfarë të bëjmë dhe do të vlerësohemi nëse mund të ndjekim udhëzimet.

Ndjekja e udhëzimeve është një pjesë mjaft e rëndësishme e jetës, sigurisht. Në disa raste, ndjekja e udhëzimeve është kritike për suksesin e çdo gjëje që bëni. Nëse jeni pilot, ju sigurisht duhet të ndiqni listën tuaj të kontrollit, të dëgjoni kullën dhe t’i përmbaheni planit të fluturimit. Nuk ka shumë vend për devijime.

Por diku gjatë rrugës, njerëzit humbasin ndjenjën e habisë që vjen me krijimin e diçkaje. Ne shpenzojmë shumë kohë duke ndjekur udhëzimet, dhe jo shumë kohë duke qenë krijues.

Lexoni: Kreativiteti është mjeti më i mirë për zgjidhjen e problemeve. Ja se si ta shfrytëzoni atë

Rezulton se Lego është një paralele e madhe me këtë në jetën tonë. Megjithatë, së pari, le të jemi të sigurtë që të gjithë biem dakord për një përkufizim për kreativitetin. Sipas përkufizimit krijimtaria është “përdorimi i imagjinatës ose ideve origjinale, veçanërisht në prodhimin e një vepre artistike”.

Një nga gjërat që e bën Lego kaq të njohur si lodër është se ju mund të blini grupe të përpunuara me udhëzime dhe të ndërtoni krijime bazuar në personazhet ose filmat tuaj të preferuar. Ka grupe të Star wars dhe grupe të Harry Potter. Nëse ndiqni udhëzimet, krijimi juaj mund të duket njësoj si ai që ka ëndërruar një dizajner. Por shpesh ato vijnë pa rregulla dhe udhëzime, ku ju duhet të përdorni imagjinatën dhe kreativitetin tuaj për t’i formuar.

Kështu funksionon kreativiteti. Ndonjëherë gjëja për të cilën po punoni është të ndiqni planin e dikujt tjetër. Ndonjëherë mund të jetë e frikshme të largoheni nga udhëzimet. Mund të jetë e pakëndshme të devijoni nga plani, ose të mos keni fare plan. Mund të jetë si të hipni në një makinë dhe të filloni të vozitni pa e ditur se ku po shkoni.

Edhe ndërsa e lexoni këtë, disa prej jush nuk janë shumë rehat me këtë mendim. Por ju nuk duhet ta humbisni këtë, ju mund të jeni pikërisht personi që duhet të marrë pjesët dhe të fillojë të ndërtojë.

Është në rregull nëse nuk e dini se si do të dalë. Është në rregull nëse nuk keni një grup instruksionesh. Kreativiteti pothuajse kurrë nuk vjen me një grup të bukur fotografish që ju udhëzojnë drejt produktit të përfunduar.

Puna është se fillimi i një kompanie nuk vjen me udhëzime. Rritja e fëmijëve nuk vjen me udhëzime. Shumica e gjërave në jetë nuk vijnë me udhëzime, ne i krijojmë ato ndërsa shkojmë bazuar në imagjinatën dhe idetë tona. Kjo është krijimtaria.

Kreativiteti është një muskul që rritet sa më shumë ta punoni atë. Bëhet më i fortë sa më shumë ta përdorni.

Lexoni: 4 mënyra për të zhbllokuar kreativitetin tuaj të brendshëm

Dhe një nga gjërat më të mahnitshme në lidhje me krijimtarinë është se ajo zhvillohet në mënyrë eksponenciale. Sa herë që vendosni të krijoni diçka, nuk filloni nga e para, por e bëni atë me përvojën e çdo përpjekje të mëparshme dhe çdo krijimi të mëparshëm, sukses apo dështim. Ju e bëni atë me kujtesën motorike të çdo tulle që keni montuar në të kaluarën, të paktën figurativisht.

Edhe nëse mendoni se nuk jeni krijues, mos harroni që njerëzit janë të prirur për të krijuar gjëra. Gjithkush ka një imagjinatë, thjesht mund të ketë nevojë për pak stërvitje. Kjo nuk do të thotë që ju nuk keni muskujt krijues, megjithëse mund të keni nevojë për disa ushtrime.

/inc

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0