Mbahet eventi "Tregtia elektronike në Shqipëri" - Business Magazine Albania

Mbahet eventi “Tregtia elektronike në Shqipëri”

Bashkimi i Dhomave të Tregtisë dhe Industrisë së Shqipërisë organizoi eventin “Tregtia elektronike në Shqipëri”, në ambientet e Hotel Xheko Imperial. Ky event, i sjellë në formën e një info day, bëri bashkë zërat më të rëndësishëm nga institucionet qeveritare, organizatat ndërkombëtare, shoqatat sektoriale dhe përfaqësuesit e sipërmarrjes që operojnë në sektorin e ICT, në sektorin financiar etj.

Info day u organizua në kuadër të projektit “Mbështetje e Komisionit Europian për Forumin e Investimeve të Dhomave të Ballkanit Perëndimor-WB6CIF”, një nga anëtarët e së cilës është edhe Bashkimi i Dhomave të Tregtisë dhe Industrisë së Shqipërisë.

Qëllimi i përgjithshëm i këtij projekti është kontribuimi në rritjen e konkurrencës në ekonomitë e Ballkanit Perëndimor, me qëllim integrimin ekonomik të këtij rajoni.

Gjatë eventit, panelistët prezantuan zhvillimet e këtij sektori në vend, sfidat dhe vështirësitë, duke nënvizuar rëndësinë që tregtia elektronike ka sot jo vetëm në botë, por edhe në vendin tonë.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #30 - Nëntor 2022
Shiko më shumë
Na ndiqni në rrjetet sociale
0