Max Hayden, 16 vjeçari godet me të ardhura $1.7 milionë gjatë pandemisë - Business Magazine Albania

Max Hayden, 16 vjeçari godet me të ardhura $1.7 milionë gjatë pandemisë

Max Hayden

Max Hayden, një banor 16-vjeçar në New Jersey, thuhet se siguroi 1.7 milionë dollarë duke shitur stoqe në internet gjatë pandemisë, përfshirë lojërat video dhe ngrohësit në natyrë.

Në një intervistë për The Wall Street Journal, biznesmeni adoleshent foli për biznesin e tij të shitjeve në internet.

“Shkurt, është një dallim i vërtetë. Ky është kapitalizmi” tha Hayden për “Wall Street Journal”.

Hayden bëri 110,000 dollarë fitim në vitin 2020 duke blerë dhe rishitur çdo gjë, nga video lojërat dhe deri te ngrohësit e jashtëm dhe pishinat mbi tokë, për rreth dyfishin e çmimit me pakicë, sipas të dhënave të shitjeve dhe llogarive të shikuara nga “The Journal”.

Hayden u tregua i shpejtë duke blerë artikuj që mund të dilnin nga stoku gjatë pandemisë dhe t’i shiste tek klientët e gatshëm me çmime të larta. Kjo përfshinte pajisje palestrash dhe prerëse flokësh, të cilat u bënë shum trendi kur u mbyllën palestrat dhe sallonet.

Hayden i kushtoi 40 orë në javë biznesit të tij në internet. Pjesa tjetër e kohës është e rezervuar për studime të shkollës së mesme, tha ai. Ai thuhet se ka stërmbushur garazhin në shtëpinë e tij dhe tani ka marrë me qira një hapësirë magazinash aty pranë. Ai gjithashtu punësoi dy miq për 15 dollarë në orë për të ndihmuar në porosi dhe paketim tha për “The Journal”.

Hayden është një nga shumë konsumatorët nga Gen Z, i përcaktuar nga Pew Research si kushdo që ka lindur pas 1997, që po gjejnë mënyra të reja për të fituar para në internet.

Shumë nga këta konsumatorë të rinj, përfshirë Hayden, po rishesin artikuj në faqe të tilla si Amazon ose Facebook Marketplace ose në aplikacione të rishitjes si StockX, Depop dhe Goat.

Lexo: Njerëzit nënshkruajnë peticionin që Jeff Bezos t’i ndalohet hyrja në Tokë pas udhëtimit të tij hapësinor

Depop më parë i tha Insajderit se disa nga përdoruesit e saj të rinj po fitonin deri në $300,000 në vit duke shitur veshje të dorës së dytë në aplikacionin e tyre, duke u mundësuar atyre që të blinin shtëpi dhe makina para se të kishin mbushur moshën universitare.

WSJ

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #26 - Korrik 2021

Ditët e nxehta të kësaj vere mund t’i freskoni me artikujt e revistës 26 të Businessmag. Një numër i pasur me artikuj rreth sipërmarrjeve në fusha të ndryshme, por edhe profileve interesante të sipërmarrësve. Që në kopertinë vini re dy djem që po çojnë përpara sipërmarrjen e ngirur nga prindërit. Një model për t’u ndjekur nga shumë sipërmarrje të tjera. Idetë e reja, nismat e reja në biznes sot janë më të rëndësishme se kurrë për të mundësuar suksesin.
Zhvillimet në disa tregje mund t’i gjeni në brendësi të revistës. Të tilla janë tregjet e real estate dhe ai i shërbimit postar.

Zhvillimet në fushën e teknologjisë këtë vit vijnë me 10 gjetjet më të rëndësishme teknologjike, të cilat janë orientuar shumë drejt zhvillimeve shëndetore.

Diaspora vjen me profilin e një sipërmarrëseje në fushën e stilimit dhe qepjes së veshjeve. Ornela ka arritur të hapë tre dyqane shërbimi, ku përshtaten brandet më të mëdha sipas nevojave të klientit.

Edukimi është një temë e prekur nga ne në këtë numër, pasi sfidat e edukimit në këtë vit pandemik kanë qenë të mëdha. Sjellim dy akademi me zhvillimet e tyre dhe qasjen ndaj edukimit gjatë pandemisë, si dhe mundësinë e edukimit të fëmijëve në format më të mira të mundshme.

Në brendë…

Shiko më shumë
Na ndiqni në rrjetet sociale
0