Masa të rrepta sigurie në prag të inaugurimit të presidentit të ri

Masa të rrepta sigurie

Një javë pasi protestues të dhunshëm sulmuan Kapitolin në Uashington, rrugët përreth tij janë bllokuar, ndërsa ndërtesa e Kongresit është rrethuar me pengesa metalike. Autoritetet njoftuan angazhimin e të paktën 20 mijë trupave të Gardës Kombëtare të cilat do të ofrojnë siguri në ditën e inaugurimit të presidentit të ri të Shteteve të Bashkuara.

Ndërsa Dhoma e Përfaqësuesve ngriti zyrtarisht akuza për shkarkimin e Presidentit Donald Trump, për herë të dytë herë gjatë mandatit të tij, kryeqyteti i vendit pret mijëra trupa të Gardës Kombëtare, të cilët do të ndihmojnë në ruajtjen e paqes gjatë kalimit të pushtetit javën e ardhshme.

Robert Contee, ushtrues detyre i shefit të Departamentit të Policisë Metropolitane të qytetit tha se në Uashington pritet të vijnë mbi 20 mijë trupa të Gardës Kombëtare.

Zyrtarët e mbrojtjes konfirmuan rritjen e numrit, vendim ky që erdhi vetëm disa ditë pasi Garda Kombëtare njoftoi dërgimin e deri në 15 mijë trupave në qytet për të ofruar siguri përpara inaugurimit të Presidentit të zgjedhur Joe Biden më 20 janar.

Autoritetet theksojnë se 10 mijë trupa, pritet të jenë në detyrë në Uashington deri të premten. Pjesa tjetër do të mbërrijë së shpejti.

Më shumë se 6 mijë trupa të Gardës Kombëtare janë tashmë në Uashington që kur mbështetës ekstremistë të zotit Trump sulmuan ndërtesën e Kapitolit të mërkurën e javës që shkoi.

Lexo: Protestat në Amerikë. Biden: Bota po na sheh. Trump fton protestuesit të kthehen në shtëpi

Gjenerali Daniel Hokanson, shef i Byrosë së Gardës Kombëtare, tha se roli i Gardës ishte ofrimi i mbështetjes për siguri, logjistikë, ndërlidhje dhe komunikim. Por që nga e marta vonë, trupat e Gardës që janë të angazhuar në Kapitol janë parë të armatosur.

“Kjo është kërkesë e autoriteteve federale dhe është autorizuar nga Sekretari i Ushtrisë. Siguria e publikut është përparësi”, thuhet në deklaratën e Gardës Kombëtare të Uashingtonit.

Pamje të ushtarëve të armatosur duke ruajtur Kapitolin dhe imazhet nga vendosja e gardheve metalike rreth Kongresit amerikan janë shpërndarë gjerësisht në rrjete sociale.

Video dhe foto të shumta tregojnë gjitahshtu rrugët e bllokuara nga automjetet ushtarake ndërsa punëtorët vendosin edhe më shumë pengesa.

Një pamje shumë më ndryshe nga ajo e inaugurimit të zotit Donald Trump para katër vitesh, kur vetëm 8 mijë pjesëtarë të Gardës Kombëtare po ndihmonin në ofrimin e sigurisë.

zeriamerikes

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0