Martin Shkreli, në izolim. Pretendohet se drejton kompaninë nga burgu - Business Magazine Albania

Martin Shkreli, në izolim. Pretendohet se drejton kompaninë nga burgu


Martin Shkreli bën përsëri lajm edhe pse është pas hekurave të qelisë. Biznesmeni shumë i përfolur i industrisë farmaceutike, i cili mori dënimin me 7 vjet heqje lirie është futur në izolim në Institutin Federal Korrektues në Fort Dix, New Jersey. Kjo ndodhi pasi Wall Street Journal përshkroi se si ai po përdorte një telefon kontrabandë për të drejtuar biznesin e tij farmaceutik prapa hekurave.

Byroja e Burgjeve (BOP) nuk donte të prononcohej nëse Shkreli ishte në izolim, duke thënë se nuk pranonte të jepte informacion rreth “kushteve të izolimit të të burgosurve individualë”. Por konfirmoi se çështjet e ngritura në artikullin e Journal ishin “nën hetim”.

Lexoni: Martin Shkreli përfundimisht dënohet me 7 vjet burg!

“Kur ka akuza për sjellje të keqe, ato hetohen plotësisht dhe veprimet e duhura merren nëse pretendimet janë të qëndrueshme,” shtoi një zëdhënës për BOP. Avokati i Shkrelit, Benjamin Brafman, nuk pranoi të komentonte mbi statusin e klientit të tij.

Një burim i afërt me ekipin ligjor të Shkrelit tha se ai ishte nën vëzhgim në njësinë e posaçme një javë e gjysëm pas artikullit të botuar më 7 Mars, por më pas burimi nuk kishte marrë një përditësim mbi statusin e tij. Sipas Justin Liverman, një i burgosur dhe ish-anëtar i grupit të hakerëve të njohur si Crackas With Attitude, tha për Forbes se Shkreli ishte në izolim.

Sipas Journal, Shkreli po drejtonte biznesin e tij, Phoenixus AG, nëpërmjet një celulari. Kompania duket të jetë një rimishërim i Turing Pharmaceuticals AG, e cila ka ngritur çmimet e barnave të rralla duke çuar në zemërimin e pacientëve, mjekëve dhe shoqërive të sigurimeve. Në një nga shembujt më të keq, Turing rriti koston e një pilule për pacientët me HIV / AIDS nga 13.50 dollarë në 750 dollarë. Shkreli planifikon të vazhdojë në farmaceutikë dhe madje e sheh Phoenixusin të bëhet një ndërmarrje multi miliardë dollarëshe me të në krye. Më parë këtë vit ai madje hoqi nga puna CEO e përkohshëm të firmës me telefon, edhe pse e lejoi të qëndronte në bord, sipas burimeve të Journal.

‘Parajsa telefonike’

Përdorimi i një celulari prapa mureve të mëdha të Fort Dix është në kundërshtim me rregullat, por Liverman pretendon se nuk është e vështirë për të marrë një të tillë. Fort Dix është si një “parajsë telefonike … Ka qindra telefona në këtë kompleks, ose mund të marrësh me qira kohën e telefonit ose të blesh një për 1,000 dollarë,” thotë Liverman, të cilit i është dhënë një dënim pesë vjeçar për përfshirjen e tij në grupin e hakerëve Cracks With Attitute. Në sulmin më famëkeq të organizuar, ata hynë në llogarinë AOL të drejtorit të CIA-s, John Brennan dhe ndanë emailet dhe dosjet me Wikileaks.

Fort Dix ka pasur probleme me telefonat kontrabandë edhe më parë. Në vitin 2018, i burgosuri Omar Adonis Guzman-Martine u dënua me 30 vite burg shtesë për përdorimin e një celulari për të organizuar një sulm ndaj të dashurës së tij dhe për të vrarë të dashurin e saj.

Lexoni: Arrestohet Martin Shkreli, shqiptari i urryer i Amerikës

Gjatë tre muajve të fundit, Forbes ka qenë në kontakt të vazhdueshëm me Liverman, edhe pse në këtë publikim është rënë dakord të mos zbulohen se cilat janë kanalet e komunikimit. Ai thotë se është bërë mik i mirë me Shkrelin.

burimi: Forbes

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0