Mark Zuckerberg dhe Priscilla Chan i japin “pëlqej” Andela-n.
“Chan Zuckerberg Initiative” do të udhëheqë një raund financimesh prej 24 milionë $ për Andela-n, një startup me bazë në Nju Jork që trajnon zhvilluesë programesh në Afrikë. Programi është investimi i parë madhor që kur u themelua nga CEO i Facebook, Zuckerberg dhe e shoqja e tij Dr. Priscilla Chan në Dhjetor të 2015-s.
“Ne jetojmë në një botë ku talentet janë të shpërndara në mënyrë të barabartë, por jo mundësitë,” ka thënë Zuckerberg. “Misioni i Andela-s është të ngushtojë këtë hendek.”
Themeluar në 2014-n, misioni i Andela-s është të japë një ndihmesë për studentët me rezultate të shkëlqyera të universiteteve dhe për profesionistët në Afrikë në mënyrë që të mësojnë programim. Organizata aktualisht punëson rreth 200 njerëz nga Nairobi, Kenya dhe Lagos i Nigerisë.
Programi është jashtëzakonisht përzgjedhës, duke pranuar vetëm 0.7 % të 40,000 prej atyre që kanë aplikuar. Ata të cilët përzgjidhen u bashkohen kompanive si IBM, Google dhe Facebook me një kontratë 4-vjeçare.
Me këtë investim nga “Chan Zuckerberg Initiative”, Andela do të ketë mundësinë të rrisë numrin e personave të përfshirë në program dhe të arrijn më shpejt objektivin e saj 10-vjeçar të trajnimit të 100,000 zhvilluesve të programeve në të gjithë kontinentin afrikan. Gjithashtu do të hapet edhe një kampus në një shtet të tretë, thotë CEO dhe bashkëthemeluesi i Andela-s Jeremy Johnson, raporton Mashable.
“Ne gjejmë zhvilluesë të nivelit gjenial në kontinentin afrikan. Ne u japim atyre mjetet për t’u angazhuar si pjesëtarët më të mirë të skuadrave të inxhinierimit. Këta njerëz janë të jashtëzakonshëm. Meritojnë respekt.”
Andela kërkon që të sjellë gjithashtu edhe femra në zhvillimin e softuereve, objektivi i kompanisë është që të arrijnë 35 % të pjesës së femrave programuese. Aktualisht 34 % e zhvilluesve të tyre në Kenia janë femra, dhe 21 % në Nigeri.
“Ne te Andela besojmë se nuk ka justifikim për të patur më pak femra zhvilluese,” shkruan në faqen e saj në internet Andela. “…ne e dimë se talenti është neutral nga gjinia.”
“Kur anëtari më i mirë i skuadrës është një vajzë e re nga Kenia, kjo i detyron njeëzit të rimendohen se si mund të jetë një zhvillues,” ka shtuar Johnson. “Ne po ndryshojmë zermrat dhe mendjet.”
“Chan Zuckerberg Initiative” u themelua pas lindjes së fëmijës së parë të çiftit Zuckerberg, një vajzë të quajtur Max. Fondacioni do të marrë gradualisht 99 % të aksioneve të Zuckerberg në Facebook gjatë të gjithë kohës, që vlen 45 miliardë $. Ajo pret “ (të përmirësojë) këtë botë për gjeneratën e ardhshme,” ka thënë Zuckerberg. “Ne kemi një përgjegjësi morale për investimet tona.”
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
