Mali i Zi, kush infektohet me Covid do t'i paguhen të gjitha shpenzimet - Business Magazine Albania

Mali i Zi, kush infektohet me Covid do t’i paguhen të gjitha shpenzimet

Covid

Në pritje të sezonit turistik, Mali i Zi ka finalizuar të gjitha protokollet shëndetësore dhe qeveria ka marrë një vendim për të siguruar trajtim spitalor për turistët e huaj nëse infektohen me Covid gjatë qëndrimit në këtë shtet. Ministri i Zhvillimit Ekonomik, Jakov Milatović, tha se protokollet shëndetësore do të shpërndahen në industrinë e turizmit dhe ambasadat javën e ardhshme dhe do të jenë në anglisht dhe rusisht.

Ministrja e Shëndetësisë Jelena Borovinić Bojović deklaroi se shteti do të mbulojë të gjithë trajtimin e turistëve që infektohen apo shtrohen në spital. “Qeveria ka marrë një vendim që turistët që sëmuren me Covid-19 gjatë qëndrimit të tyre në Malin e Zi dhe të shtrohen në spital të trajtohen në ngarkim të shtetit” tha ajo.

Testimi me PCR në rast se turistët duhet të kthehen në vendin e tyre, do të kryhet normalisht në Malin e Zi në dy mënyra paralele: Njëra do të organizohet me ndihmën e Institutit të Shëndetit Publik të këtij shteti dhe do të kryhet falas; Dhe së dyti do të shihet mundësia e bërjes së testeve në laboratorë privatë.

Të gjithë hotelierët do të caktojnë 10 përqind të kapacitetit të tyre për rastet e mundshme me Covid-19, njoftoi gjithashtu Borovinic Bojovic. Masa e hyrjes në Malin e Zi pa test për shtetasit e Serbisë, Kroacisë, BiH, Rusisë, Bjellorusisë, Ukrainës dhe Shqipërisë mbetet në fuqi.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0