Makinat Volvo në Evropë po lajmërojnë njëra-tjetrën kur hasin rreziqe ose rrugë të rrëshqitshme - Business Magazine Albania

Makinat Volvo në Evropë po lajmërojnë njëra-tjetrën kur hasin rreziqe ose rrugë të rrëshqitshme

Volvo

Volvo Cars ka nisur implementimin e një teknologjie të re sigurie për herë të parë në industri në të gjithë makinat që gjenden në Evropë, si një hap ambicioz mbi përmirësimin e sigurisë në rrugë.

Kjo teknologji bën të mundur që makinat Volvo të komunikojnë me njëra-tjetrën dhe të paralajmërojnë drejtuesit e makinave sa herë gjenden pranë rreziqeve në rrugë ose rrugëve të rrëshqitshme.

Hazard Light Alert dhe Slippery Road Alert u prezantuan për herë të parë në vitin 2016 në serinë 90 të makinave të Volvo në Suedi dhe Norvegji. Tani këto shërbime janë të aksesueshme dhe në shtetet e tjera të Evropës dhe vijnë si një standard në të gjitha modelet e reja të vitit 2020 dhe 2021 (mund të aktivizohet në një numër të përzgjedhur modelesh të mëparshme).

“Shpërndarja e të dhënave në kohë reale midis makinave mund të ndihmojë në parandalimin e aksidenteve. Tashmë përdoruesit e makinave Volvo do të kontribuojnë në mënyrë të drejtpërdrejtë në sigurinë e drejtuesve që kanë aktivizuar këtë shërbim, ndërkohë që dhe vetë do të përfitojnë nga njoftimet e shpejta mbi situata të rrezikshme në rrugë.” tha drejtuesi i Safety Centre në Volvo Cars, Malin Ekholm.

Studimet mbi sigurinë nga Volvo tregojnë se rregullimi i shpejtësisë sipas situatës aktuale të lëvizjes mund të ulë radikalisht rrezikun për aksidente. Duke i lajmëruar drejtuesit rreth rreziqeve që gjenden në rrugë para se ato të ndeshen me atë situatë, ata arrijnë të adoptojnë shpejtësinë e duhur për të shmangur aksidentet rrugore.

Lexo: Gratë kanë 71% më shumë gjasa të plagosen në një aksident, por pse?

Me lançimin e këtij shërbimi në Evropë, Volvo fton të gjithë përdoruesit të bëhen pjesë e kësaj ndihmese duke kontribuar me të dhëna anonime mbi situatën e trafikut në vendin ku ndodhen.

“Sa më i madh të jetë numri i makinave që e kanë aktivizuar këtë shërbim, aq më të sigurta rrugët tona bëhen. Ne shpresojmë të bashkëpunojmë me partnerë të tjerë që janë të vendosur për të rritur sigurinë në rrugë.” shtoi Ekholm.

Ky sistem sigurie i zhvilluar nga Volvo është i pari në industrinë e makinave dhe kompania ka vendosur që të bëjë njohuritë e saja lehtësisht të aksesueshme përmes kësaj biblioteke dixhitale, e cila nxit këtë industri t’i përdorin në interes të rrugëve më të sigurta për të gjithë drejtuesit.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #26 - Korrik 2021

Ditët e nxehta të kësaj vere mund t’i freskoni me artikujt e revistës 26 të Businessmag. Një numër i pasur me artikuj rreth sipërmarrjeve në fusha të ndryshme, por edhe profileve interesante të sipërmarrësve. Që në kopertinë vini re dy djem që po çojnë përpara sipërmarrjen e ngirur nga prindërit. Një model për t’u ndjekur nga shumë sipërmarrje të tjera. Idetë e reja, nismat e reja në biznes sot janë më të rëndësishme se kurrë për të mundësuar suksesin.
Zhvillimet në disa tregje mund t’i gjeni në brendësi të revistës. Të tilla janë tregjet e real estate dhe ai i shërbimit postar.

Zhvillimet në fushën e teknologjisë këtë vit vijnë me 10 gjetjet më të rëndësishme teknologjike, të cilat janë orientuar shumë drejt zhvillimeve shëndetore.

Diaspora vjen me profilin e një sipërmarrëseje në fushën e stilimit dhe qepjes së veshjeve. Ornela ka arritur të hapë tre dyqane shërbimi, ku përshtaten brandet më të mëdha sipas nevojave të klientit.

Edukimi është një temë e prekur nga ne në këtë numër, pasi sfidat e edukimit në këtë vit pandemik kanë qenë të mëdha. Sjellim dy akademi me zhvillimet e tyre dhe qasjen ndaj edukimit gjatë pandemisë, si dhe mundësinë e edukimit të fëmijëve në format më të mira të mundshme.

Në brendë…

Shiko më shumë
Na ndiqni në rrjetet sociale
0