Lufta ndaj Covid, Fauci më i paguar se presidenti amerikan

Me 147 mijë dollarë në 2019-tën, Anthony Fauci rezulton sipas Forbes jo vetëm mjeku më I paguar në qeverinë federale amerikane, por gjithashtu njeriu me pagën më të lartë nga të katër milionë punonjësit e saj. sipas revistës së njohur, me pagën që merr imunologu amerikan kapërcen dhe presidentin. Paga e Joe Biden dhe e të gjithë presidentëve të SHBA është rreth 400 mijë dollarë në vit.

Forbes ka përllogaritur po ashtu që nëse Fauci do të qëndrojë me administratën aktuale deri në vitin 2024, ai do të arkëtojë rreth 2,5 milionë dollarë. Eksperti kryesor i sëmundjes infektive në vend, u caktua së fundi nga Presidenti Joe Biden me punën e informimit të publikut për zhvillimet e fundit mbi pandeminë e koronavirusit. Fauci u sulmua në mënyrë të përsëritur nga ish-presidenti Trump për pikëpamjet e tij mbi pandeminë, ndërkohë që kishte qenë pjesë e task force-s së tij për koronavirusin. Ai pretendon sidoqoftë ekipi i ri “nuk po e fillon punën nga e para”. “Ne jemi duke sjell ë ide të reja, por po shqyrtojmë edhe disa ide të administratës së mëparshme që nuk ishin ide të këqija”, është shprehur Fauci.

Në studim janë përfshirë vetëm rrogat e nëpunësve federalë, të cilët paguhen me paratë e taksapaguesve. Rroga e dr. Fauci-t është rritur përgjatë viteve. Ai ka fituar 3,6 milionë dollarë në periudhën 2010-2019, ndërsa që prej vitit 2014 rroga e tij është rritur nga 335 000 dollarë në vit, në 417 608.

Dr. Fauci u bë protagonist gjatë krizës së koronavirusit, duke dalë çdo ditë në intervista për të shpjeguar para popullit amerikan mbi Covid-19. Ai ishte pjesë e skuadrës së presidentit Trump për përballimin e pandemisë. Por kreu i saj, zëvendëspresidenti Mike Pence, është paguar vetëm 235 100 dollarë në vit.
Për krahasim, shkruan “Forbes”, Nancy Pelosi do të fitojë këtë vit 223 500 dollarë, ndërsa gjykatësi i Gjykatës Supreme, John Roberts, 270 700. Anëtarët e Kongresit dhe Senatit do të paguhen 174 000 dollarë në vit, ndërsa gjeneralët me 4 yje, 268 000 dollarë në vit.

FORBES

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale