Louboutin, historia e shollës së kuqe

Louboutin, historia e shollës së kuqe


Në moshën 13 vjeçare, shumë prej nesh e kalonim kohën e lirë duke ndjekur idhujt tanë, dhe mezi prisnim të rriteshim për të qenë të pavarur. Christian Louboutin, një nga dizajnerët më të mëdhenj në botë, ishe 10 hapa para nesh.

Në moshën 12 vjeçare, Louboutin ishte përjashtuar tre herë nga shkolla dhe ishte shpërngulur nga shtëpia e prindërve. Mamaja e tij ishte tepër tolerante i pëlqente t’i kënaqte fëmijët e saj, duke u dhënë kështu liri që në moshë të vogël.

Por si arriti ky djalosh rebel të bëhet një nga dizajnerët më me ndikim në botë? Gjithçka nisi me një udhëtim. Duke vizituar Muzeun e Artit Afrikan dhe Oqeanik në Paris, Louboutin u mahnit nga një shenjë, që nuk i lejonte gratë të vishnin taka për të mos gërvishtur dyshemenë. Imazhi i titulluar “këpuca e ndaluar” mbeti në kujtesën e tij për vite me rradhë, duke u bërë frymëzim për koleksionin e parë. “Unë doja të krijoja diçka që thyen rregullat dhe i bën femrat të ndihen të fuqizuara dhe me vetëbesim.”

Pas kësaj parizieni ngatërrestar nisi të skiconte dizajnet e tij. Shumë shpejt ai filloi të punonte në Folies Bergere, një kabare e famshme në Paris. Këtu, Louboutin mund të realizonte ëndrrën e tij për të krijuar këpucë për kërcimtaret. Pas një viti në Indi, Louboutin kthehet në Paris me një portofol plot dizajne për të krjiuar këpucë me taka. Në fillim të viteve 1980, dizajneri i këpucëve u njoh me Charles Jourdan i cili i mësoi atij sekretet e biznesit të këpucëve. Në moshën 19 vjeçare Louboutin hapi dyqanin e tij të parë në Paris.

Në vitin 1993, Louboutin ishte pjesë e tregut për gati dy vite, “Louboutin kishte menduar të realizonte këpucë të frymëzuara nga “Lulet” e Andy Warhol. Prototipi, një takë ngjyrë trëndafili e mbushur me lule karikaturë prej lëkure, kishte ardhur nga Italia. “Unë isha shumë i lumtur sepse këpuca ishte njësoj si vizatimi im,”thotë Louboutin, “por sërish kishte diçka që mungonte, dhe nuk e kuptoja çfarë.”

“Këpuca kishte një taban të zi, dhe në ato momente, falë Zotit, një vajzë po lyente thonjtë më një manikyr të kuq.” Louboutin e rrëmbeu manikyrin nga asistentja, dhe e përhapi në të gjithë shollën e prototipit. “Aty sytë e mi shkëlqyen,” thotë Louboutin, “Ishte pikërisht ajo që duhej!”

Falë aksidentit të manikyrit, sholla e kuqe Louboutin tani është e njohur në të gjithë botën dhe shet më shumë se 500,000 palë këpucë në vit. Sholla e kuqe me shkëlqim të gjallë, jo vetëm që i sjell dobi përdoruesit, duke u dhënë atyre një ndjenjë kënaqësie të fshehtë dhe besimi, por gjithashtu përfiton kompania nga perspektiva e biznesit.

Louboutin arriti të transformojë një pjesë të këpucës që më parë ishte injoruar, në diçka që është po estetikisht emocionuese dhe komercialisht e dobishme. Për të shënuar suksesin e aksidentit që krijoi shollën e kuqe, Louboutin krijoi një manikyr të quajtur Rouge Louboutin që ka ngjyrë të njëjtë si ajo e shollës së kuqe.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0