Livio Fetahu, nga olimpiadat në universitetin numër një të botës


Ai quhet Livio. Është vetëm 23 vjeç. Por CV-ja e tij është aq e pasur me eksperienca të shumëllojshme dhe rezultate të shkëlqyera, sa çdokush do t’i kishte zili. Pa përmendur diplomën që zotëron, marrë në një prej Universiteteve më të kërkuar në botë, Massachusetts Institute Of Technology. Një ëndërr në sirtar për shumë bashkëmoshatarë të tij në të gjithë botën, jo vetëm në Shqipëri.

Për ata që e njohin Livion, nuk është vetëm djali i olimpiadave, siç e quajnë rëndom miqtë dhe pedagogët e tij, pasi nuk numërohen pjesëmarrjet dhe çmimet, por dhe një pianist i talentuar. Pra, një djalë i kompletuar, një aset i vërtetë që i nevojitet shoqërisë, një talent 360 gradë. Livio është një djalë i hijshëm, simpatik, paksa i ndrojtur, por me një energji pozitive të jashtëzakonshme, që të bën për vete sapo e takon.

U lind në qytetin e vogël të Kuçovës, por shumë shpejt familja do të transferohej në Tiranë, ku djaloshi u shqua për një inteligjencë të parakohshme që në hapat e para. “Ishte fëmijë dhe përpiqej t’i merrte maksimumin gjërave”. Kjo shprehje do të ishte rezumeja, të cilën prindërit e tij do të mësoheshin ta dëgjonin shumë shpesh nga edukatorët, mësuesit, pedagogët dhe bashkëpunëtorët e Livios në të ardhmen.

Lexo: Studentët amerikanë do të trajnojnë nxënësit shqiptarë

Arsimin 9-vjeçar e ndoqi në shkollën jopublike “Udha e Shkronjave” ku përfundoi me rezultate të shkëlqyera. Krahas programit mësimor, Livio merrte rregullisht pjesë në olimpiadat që organizonte shkolla dhe jashtë saj, duke fituar çmime apo kupa, si në matematikë edhe në formimin e përgjithshëm.

Ndërkohë muzika vazhdonte të ishte pjesë e rëndësishme e kulturës mësimore të kohës, sa mund të thuhej me plot gojën, se në ato vite ajo ishte rivalja kryesore e matematikës, lëndën të cilën Livio e ardhuronte dhe që më pas do t’i kushtohej me shpirt dhe me zemër. Janë të shumta pjesëmarrjet e Livios në koncertet e ndryshme që organizonte shkolla, ku djali i vogël dallohej për dëshirën dhe pasionin me të cilin ia kushtonte të gjitha disiplinave.

Eksperiencat e para shkollore ishin mbresëlënëse. Ato e rradhitën Livion, një ndër nxënësit më të mirë të kësaj shkolle ndër vite.

Lexo: Ekspertet e IT. Ja tri vajza shqiptare që po shtrojnë rrugën e suksesit në botë

Pas mbarimit të ciklit 9 – vjeçar, Livio iu drejtua gjimnazit “Petro Nini Luarasi”, ku që në vitin e parë e përfaqësoi atë në Olimpiadën Kombëtare të Matematikës, duke i dhuruar vendin e parë.

Po gjatë atij viti, Livio arriti të bëhej pjesë e shoqatës së “Nxënësve të Talentuar në Matematikë”, ku në cilësinë e anëtarit përfaqësoi Shqipërinë në Olimpiadën e Matematikës që zhvillohej në KepTown të Afrikës së Jugut dhe ku u nderua me çmim.

Ishin pikërisht rezultatet e larta, ato që e shtynë djaloshin e talentuar të provojë dhe njëherë vetën. Kësaj rradhe drejt kontinentit amerikan. Ai mundi të aplikojë dhe të fitojë një bursë studimi në John Babst, High School në Bangor Maine USA. Një shkollë e njohur për cilësinë e saj.

 

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale