Lati në Top Story: Kujdes me kontratat koncesionare - Business Magazine Albania

Lati në Top Story: Kujdes me kontratat koncesionare


Autoriteti i Konkurrencës raportoi tri ditë më parë në Komisionin e Ekonomisë, ku kreu i këtij institucioni, Lindita Lati foli para deputetëve anëtarë të këtij komisioni edhe për GFI, kompani e regjistruar në një parajsë fiskale, që më pas ka shitur aksionet e veta.

Bëhet fjalë për koncesionin e markimit të karburanteve, një koncesion 150 milionë dollarësh, që GFI e mori në fund të qeverisë “Berisha”, në 2013.

Duke iu rikthyer kësaj teme në Top Story, Lati e ftuar këtë të enjte ripërsëriti qëndrimin sesi të shmangen fenomene të tilla në të ardhmen.

“I vetmi instrument është që në marrëveshjet koncesionare duhet të jetë e shprehur qartas se kur ndryshohet paketa e kontrollit të koncesionarit duhet të merret autorizimi nga autoriteti nënshkrues i marrëveshjes koncesionare dhe rrjedhimisht kjo sjell një instrument tek Autoriteti i Konkurrencës”, deklaroi ajo.

Ajo thotë se duhet patur parasysh efekti për asetet publike në rastet e shit-blerjeve të kompanive.

“Që në momentet kur nisin bisedimet duhet të dimë a kemi të bëjmë me investitorë seriozë dhe institucionet që janë përgjegjëse deri në finalizimin e kontratës, duhet të kenë në bazë çuarjen drejt shfrytëzimit me sukses të aseteve kombëtare”, tha Lati.

 

/Top-Channel

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0