Duket se pandemia do të ndikojë edhe në pushimet dimërore të shkollave. Ministrja Kushi, njoftoi dje se pushimet pas Vitit të Ri do të zgjasin deri në 11 ose 18 janar, por ende nuk është vendosur përfundimisht. Ajo theksoi se për këtë do shikohet ecuria e pandemisë.
‘’I vetmi sinjal që kemi është që pushimet dimërore do të jenë më të gjata. Akoma nuk e kemi vendosur nëse do të jetë 11 apo 18 janar fillimi i shkollës. Theksoj se dinamika e pandemisë do të ndikojë në vendimmarrje’’, deklaroi ministrja
Që nga nisja e vitit shkollor, rastet e infektimeve të mësuesve kanë qenë të shumta, si edhe debati për të mbajtur shkollat hapur në këtë situatë. Ndaj shfrytëzimi i pushimeve dimërore, pas nisjes së mësimit të alternuar, duket se do ti mbajë pak më gjatë shkollat mbyllur këtë dimër.
