Kush mund të jetë menaxheri më i mirë? - Business Magazine Albania

Kush mund të jetë menaxheri më i mirë?

menaxheri

Shkruar nga Florent Ibraimi

Menaxherët modernë duhet të luajnë rolin e trajnerit në krye të ekipit.  Kjo kërkon një kuptim të llojeve të ndryshme të personalitetit që ata mund të menaxhojnë dhe në të vërtetë rolin që personaliteti i tyre mund të luajë në mënyrën se si ata menaxhojnë.

Karl Moore, një profesor i asociuar në Universitetin “McGill” në Kanada, ka shkruar dy artikuj të fundit mbi rolin e llojeve të ndryshme të personalitetit në biznes. Një nga ndarjet më të zakonshme është ndarja në introvertë dhe ekstrovertë. Z. Moore vlerëson se rreth 40% e popullsisë janë introvertë, 40% janë ekstrovertë dhe 20% janë “ambivertë”, të cilët mund të shfaqin të dy karakteristikat.

Lexo: Nëse doni të pleqëroni mirë duhet t’i jepni përparësi miqësisë

Është e lehtë të supozohet se ekstrovertëve u shkon shumë puna në biznes. Një studim akademik zbuloi se ekstrovertët kishin 25% më shumë gjasa të ishin në një punë me të ardhura të larta sesa introvertët. Është e mundur që puna me pagë të lartë i bën njerëzit më të sigurt për të dalin më tepër, megjithëse tiparet e personalitetit priren të zhvillohen në fillim të jetës.

Një studim zbuloi gjithashtu se fëmijët e profesionistëve janë ekstrovertë. Mund të jetë thjesht fakti që fëmijët që rriten në shtëpi më të pasura kanë më pak të ngjarë të përballen me llojin e ngjarjeve stresuese që dëmtojnë vetëbesimin. Njerëzit me vetëbesim më të lartë mund të aplikojnë për punë më prestigjioze dhe mund të kenë më shumë gjasa të besojnë se përpjekjet e tyre do të shpërblehen. Ata me një imazh negativ për veten e tyre mund të mendojnë se nuk ia vlen të përpiqesh shumë.

Ambivertët mund të jenë shitës të mirë, sepse ata janë në gjendje të dëgjojnë klientët e tyre dhe të kuptojnë nevojat e tyre, por gjithashtu kanë energji për të shitur mallrat dhe shërbimet e firmave të tyre. Z. Moore mendon se drejtuesit e suksesshëm duhet të bëhen ambivertë herë pas here në mënyrë që të kenë sukses.

Lexo: Program për gratë sipërmarrëse

Një introvert ekstrem rrezikon të duket shumë i largët për të menaxhuar një ekip dhe mund të ketë mungesë të aftësisë për të frymëzuar. Por një ekstrovert ekstrem thjesht mund të mbingarkojë biznesin, me menaxherë të tjerë të paaftë. Ndoshta të bëhesh një sipërmarrës, ose të krijosh një kompani të suksesshme, kërkon një shkallë të konsiderueshme të vetëbesimit, por askush nuk mund ta marrë çdo vendim si duhet dhe vjen një kohë kur një themelues ka nevojë për ekspertizën e njerëzve të tjerë.

Ajo që e bën jetën të ndërlikuar për menaxherët është se njerëzit nuk kanë etiketa në ballë duke shënuar se cili lloj personaliteti janë. Menaxherët duhet të kalojnë kohë duke biseduar dhe vëzhguar me anëtarët e ekipit të tyre para se të vendosin se si t’i bëjnë më të motivuar dhe frymëzuar. Menaxherët duhet të jenë më pak si Henry Ford dhe më shumë si Sigmund Freud.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0