Kur largohen nga shtëpia të rinjtë evropianë?


Mosha gjatë së cilës ju largoheni nga shtëpia varet shumë nga vendi ku jetoni, kështu thonë të dhënat statistikore të Eurostat.

Mes viteve 2006 dhe 2016, ka patur një rënie të moshës mesatare në të cilën të rinjtë largohen nga shtëpia e prindërve, dhe kjo më shumë për meshkujt sesa për femrat. Mosha mesatare e braktisjes u zvogëlua për 0,5 vjet për burrat (nga 27 vjeç) dhe për vetëm 0,1 vjet për gratë (nga 25 vjeç).

Në përgjithësi, thotë Eurostat, vajzat e reja largohen nga shtëpia e prindërve më herët se djemtë.

Marrëdhëniet, studimet akademike, pavarësia financiare, kushtet e tregut të punës, kostoja e strehimit dhe kostot e jetesës së përgjithshme janë të gjithë faktorë që përcaktojnë moshën në të cilën një person i ri fluturon nga foleja.

Në shumicën e vendeve anëtare të BE-së veriore dhe perëndimore, mesatarisht të rinjtë largohen nga shtëpia në fillim të 20-tave. Por në vendet e BE-së jugore dhe lindore, mosha mesatare për të dalë nga shtëpia është në fund të të 20-tave ose në fillim të të 30-tave.

Të rinjtë përballen me një sërë sfidash që mund të rezultojnë në disa prej tyre që qëndrojnë më gjatë në shtëpinë e prindërve ose rikthehen në të, thotë Eurostat.

Kroacia, Sllovakia dhe Italia gjithashtu kanë pasur një moshë mesatare prej 30 vjeç ose më lart në vitin 2016. Bullgaria, Spanja, Greqia, Portugalia, Sllovenia, Rumania dhe Polonia ishin më të lartat me një mesatare prej 28 -29.4 vjeç.

Në Kroaci, mosha mesatare për meshkujt që largohen nga shtëpia e prindërve është 33.2 vjeç, më e larta midis të gjitha shteteve të BE-së, ndërsa për femrat 29.7 vjeç, një hendek prej 3.5 vjetësh. Por mangësi të mëdha gjinore u vunë re dhe në Rumani (4.5 vjet) dhe në Bullgari (4.7 vjet).

Të rinjtë në Suedi, Danimarkë dhe Finlandë e lënë shtëpinë e prindërve para moshës 22 vjeçare, ndërsa në Estoni, Hollandë, Gjermani, Francë, Mbretërinë e Bashkuar dhe Luksemburg, mosha mesatare për t’u larguar është nën 25 vjeç.

/WeForum

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0