Kryeson Stambolli. Marsi është muaji i udhëtimit të grave shqiptare.


Udhëtimet janë bërë pjesë e pandashme e jetës së njerëzve. Për punë apo për kënaqësinë e tyre të gjithëve iu është dashur të udhëtojnë, qoftë edhe në destinacione të afërta. Agjencitë e udhëtimeve po shtojnë ofertat e paketave turistike.

Sot trend janë bërë udhëtimet me guidë dhe kjo për faktin që ofrohen kryesisht paketa all inclusive dhe ultra all inclusive (kryesisht për pushimet e verës).

Businessmag.al ka pyetur disa nga agjencitë turistike në vend lidhur me destinacionet më të preferuara dhe periudhën e preferuar të udhëtimeve turistike. Në prag të muajin Mars (më saktë 8 Marsit) numri i interesimeve për të rezervuar një paketë turistike është rritur. Ky numër në rritje, shprehen ato, favorizohet edhe nga ndryshimi i klimës. Destinacionet për këtë festë janë kryesisht destinacione të afërta. Ndër destinacionet më të frekuentuara ato cilësojnë kryesisht vendet si Mali i Zi, Budapesti, Greqia. Për nga numri i kërkesave për prenotime, pas tyre vijnë kryeqytete si: Parisi, Roma, Viena, Barcelona, por edhe Dubai.

Por, vendi me i kërkuar prej disa kohësh tashmë mbetet Stambolli, me një numër kërkesash. Krahasuar me një vit më parë vihet re një rritje e numrit të rezervimeve tek kompanitë 20-30%. Ato shprehen se risitë që ofrojnë herë pas here po bëjnë të mundur rritjen e interesit të klientëve.

Periudha kohore që shënon kulmin e prenotimeve jashtë rezulton vera, për vetë faktin që shqiptarët i japin çdo vit luksin vetes të shijojnë pushimet e verës me familjen. Duke vazhduar kështu me muajin nëntor dhe dhjetor për shkak të festave. Stina e pranverës, siç e përmendëm dhe më lart, favorizohet shumë nga klima.

Lexo: Muajt idealë për të realizuar udhëtimin e ëndrrave tuaja

Agjencia Matias Travel shprehet për pritshmëri të larta për vitin 2019. Sipas tyre, numri i turistëve të huaj nuk po shënon rritje krahasuar me një vit më parë. Ndërsa agjencia Kalemi Travel and Tours shprehet se kompania ka shënuar një rritje të lehtë në lidhje me prenotimet nga turistët e huaj.

Përfaqësuesit e Kalemi Travel and Tours, thonë se shtys për zhvillim janë risitë që aplikohen. Ato kanë bërë të mundur krijimin e një platforme online www.hobi.al. Hobi është bashkimi i fjalëve Hotele + Bileta. Hobi.al është një investim në teknologjinë e turizmit dhe nuk është aplikuar ndonjëherë nga kompanitë e tjera. Kompania e cilëson si një arritje të madhe krijimin e kësaj platforme, e cila ka bërë të mundur përthithjen e klientelës.

Must watch
Business Mag Nr. #24 - Tetor 2020

Numri 24 i revistës Businessmag.al sjell një panoramë të zhvillimeve, përshtatjeve dhe ecurisë në sektorë të ndryshëm të ekonomisë. Në të njëjtën kohë, shohim zhvillime relativisht të kënaqshme.  Organizime të reja si Dhoma Ekonomike e Gruas, duket si një shpresë për më shumë zë, lobim dhe mbështetje për gratë sipërmarrëse dhe sipërmarrjet e reja.

Gjatë kësaj periudhe angazhime si programi “Ringrihu më i fortë”, ishin një lloj kundërpërgjigje ndaj dëmeve ekonomike që po shkakton pandemia.

Influencerat vijojnë të rrisin hapësirat e tyre dhe janë bërë një instrument i rëndësishëm marketimi. Në brendësi të revistës do të gjeni renditjen e top 100 influencerave më të mëdhenj në vend.

Gjatë kësaj vere ndërkohë, vetë Businessmag pati një fushatë të suksesshme të promovimit të turizmit shqiptar. Qindra të rinj u angazhuan të dërgojnë foto dhe përshkrimet e vendeve të ndryshme të Shqipërisë.

Shiko më shumë
Na ndiqni në rrjetet sociale