Kryeministri i ri i Australisë me origjinë shqiptare - Business Magazine Albania

Kryeministri i ri i Australisë me origjinë shqiptare

origjinë shqiptare

Fitorja zgjedhore e Anthony Albanese po bën bujë në vendin tonë, pasi z. Albanese është me origjinë shqiptare.

Albanese është një mbiemër italian që do të thotë shqiptar. Albanese është një emër që i referohet dikujt nga Shqipëria ose nga një prej vendbanimeve shqiptare në Abruzzo, Pulia, Campania dhe Siçili.

Z. Albanese ishte djali i Carlo Albanese nga Barletta, e cila është një qytet në rajonin e Pulias në Italinë juglindore.

“Në Pulia jeton një komunitet i madh arbëresh. Besohet se aty jetojnë rreth 100 mijë arbëreshë dhe nga ky komunitet vjen edhe babai i politikanit australian. Një shenjë e fortë e origjinës arbëreshe është mbiemri ‘Albanese’, që në italisht do të thotë ‘shqiptar’. Arbëreshët janë pasardhës të refugjatëve shqiptarë që u larguan nga trojet e tyre në Ballkan dhe u vendosën në pjesët jugore të Italisë në mesjetë, pas pushtimit osman të një pjese të madhe të Evropës.”

Albanese nuk e takoi babain e tij deri në vitin 2009. Ai u rrit duke menduar se nëna e tij e takoi babanë e tij jashtë shtetit dhe ata u martuan, por babai i tij më pas vdiq në një aksident me makinë para se të ktheheshin në Australi.

Vetëm kur ishte adoleshent, nëna e tij, Maryanne Albanese, i tha të vërtetën.

Lexoni: Dua Lipa nderon origjinën e saj në bashkëpunimin e ri me gjigantin e atleteve

“Ne u ulëm menjëherë pas darkës një natë dhe ajo më tha se babai im mund të ishte ende gjallë, se ajo e kishte takuar atë jashtë shtetit. Kur kishte mbetur shtatzënë me mua, ajo i kishte thënë atij dhe ai ja kishte kthyer se ishte i fejuar me dikë nga qyteti i Italisë nga ishte,” tha ai për ABC 7:30 në 2016.

Pas vdekjes së Maryanne në 2002, Z. Albanese filloi të kërkonte të atin. Ai kujtoi se ishte pyetur nga djali i tij, Nathan, se ku ishte babai i tij gjatë një vizite në varrin e Maryanne.

Albanese e gjeti Carlon në vitin 2009 dhe krijoi një lidhje me të, duke bërë udhëtime të rregullta në Itali. Carlo vdiq nga kanceri në vitin 2014.

Albanese u zgjodh të shtunën mbrëma si lideri i 31-të i Australisë. Ai do të jetë kryeministri i parë australian jo-anglo-keltik.

Në krye të zgjedhjeve, zoti Albanese tha se njerëzit nga komuniteti italian i thanë atij se do të votonin për laburistët për herë të parë në jetën e tyre, sepse donin që qeveria të pasqyronte “Australinë moderne”.

/news.com

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #28 - Prill 2022

Si sipërmarrës e keni dëgjuar, madje e keni predikuar shprehjen: jeta nuk bëhet më e lehtë, thjesht ju bëheni më të fortë. Kësaj radhe po e përjetojmë siç nuk e kishim imagjinuar.

Ndërsa po synonim të dilnim nga kthetrat e pandemisë, një tjetër plagë goditi Europën. Sulmi rus ndaj Ukrainës, i pakonceptueshëm nga bota moderne, erdhi si një Tsunami në Europë dhe madje në të gjithë Botën. Lufta me armë shkatërruese, deri tek kërcënimi i përdorimit të armëve nukleare, po sjell një dëm të jashtëzakonshëm për Ukrainën dhe popullin e saj. Mijëra të vrarë dhe mbi 4 milionë të shpërngulur nga vendi, pavarësisht rezistencës së fortë dhe të paparashikuar të ukrain- asve.

Zhvillimet dinamike në më pak se një muaj, çuan në vendime të pamenduara më parë për dhjetëra kompani ndërkombëtare. Tregjet e lëndëve të para panë çmime të rritura me ritmet më të larta të 40 viteve të fundit, ndërsa sheshet në kryeqytetet botërore, përfshirë Tiranën, pritën protestat, fillimisht kundër luftës e më tej kundër rritjes së çmimeve. Më 8 Mars, Çmimi i Naftës kaloi nga 199 lekë/litër në 260-270 lekë për litër, ndërsa po gjatë marsit, çmimi i bukës masive kaloi nga 80 lekë në 100 dhë së fundi 120 lekë. Qeveria ngriti komitete për të …

Shiko më shumë
Na ndiqni në rrjetet sociale
0