Në një konferencë për shtyp, kryeministri i Maltës Joseph Muscat konfirmoi se parlamenti do të favorizojë dhe miratojë tre ligje për të përqafuar sektorin blockchain. Kryeministri i ishullit mesdhetar zbuloi se këto ligje do të kalojnë në seancën e mbrëmjes së të mërkurës për t’u miratuar. Pjesë e asistimit të anës legjislative të këtyre tre ligjeve është dhe një avokate me origjinë shqiptare.
Duke folur ekskluzivisht për CCN, Sekretari Parlamentar për Inovacionin dhe Financat Silvio Schembri deklaroi:
“Kjo është faza e fundit e legjislacionit që do ta vendosë Maltën në hartën ndërkombëtare për rregullimin e blockchain dhe kriptomonedhave. Ekziston konsensusi politik mbi këtë udhërrëfyes dhe ne po parashikojmë që kjo zonë të jetë shtylla kryesore e rritjes sonë ekonomike për 4-5 vitet e ardhshme.”
Malta hodhi fillimisht themelet për t’u bërë një ishull miqësor i teknologjisë Blockchain, me një strategji kombëtare të prezantuar në Maj të vitit 2017.
Duke qenë se ka pasur zhvillime pozitive në vend shtëpitë e bursave të kriptomonedhave si Binance, OKEx dhe BitBay kanë zhvendosur selitë e tyre në ishullin “blockchain”.
Tre ligjet e miratuara nga parlamenti janë Akti i Shërbimeve dhe Rregullimeve Teknologjike, Akti i Aseteve Virtuale Financiare dhe Akti i Inovacionit Dixhital. Për më shumë në lidhje me këto ligje klikoni Këtu
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
