Kryebashkiaku i New York po e “kthen” rrogën e parë në kriptomonedha - Business Magazine Albania

Kryebashkiaku i New York po e “kthen” rrogën e parë në kriptomonedha

Pas një plani që ai njoftoi përpara se të merrte detyrën, kryetari i bashkisë së Nju Jorkut Eric Adams tha të enjten se paga e tij e parë, e cila arrin të premten, do të konvertohet nga dollarë amerikanë në kriptomonedha. Transaksioni do të bëhet në Coinbase, shkëmbimi më i madh i kriptomonedhave në SHBA, dhe do të konvertojë pagesën e Adams në Bitcoin dhe Ethereum.

“Nju Jorku është qendra e botës dhe ne duam që të jetë edhe qendra e kriptomonedhave dhe inovacioneve të tjera financiare”, tha Adams në një deklaratë. “Të jesh në ballë të një inovacioni të tillë do të na ndihmojë të krijojmë vende pune, të përmirësojmë ekonominë tonë dhe të vazhdojmë të jemi një magnet për talentet nga e gjithë bota.”

Lexo edhe: “Tre pagat e para në Bitcoin” Kryebashkiaku i ri i New York sfidon atë të Miamit: “Do bëhemi qendra e kriptomonedhave”

Adams postoi në Twitter më 4 nëntor se ai do të merrte tre pagat e tij të para në Bitcoin kur të bëhej kryetar bashkie, sepse “Në Nju Jork ne gjithmonë guxojmë shumë”, vuri në dukje ai. Ideja ishte pjesë e një takimi me kryebashkiakun e Majamit, Francis Suarez, i cili tha në nëntor se do të merrte pagën e tij të ardhshme në Bitcoin.

Rregullat e Departamentit të Punës të SHBA-së e ndalojnë qytetin e Nju Jorkut që të paguajë punonjësit në kriptomonedha, megjithatë, rrjedhimisht konvertimi pas pagesës mund të bëhet  në Coinbase.

Të dy Suarez dhe Adams po bëjnë presion për t’i bërë qytetet e tyre përkatëse qendra të sistemeve të decentralizuara , me Suarez që mbështet investimet kripto në qytetin jugor të Floridës dhe lançoi një monedhë digjitale të quajtur MiamiCoin vitin e kaluar.

The Verge 

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #28 - Prill 2022

Si sipërmarrës e keni dëgjuar, madje e keni predikuar shprehjen: jeta nuk bëhet më e lehtë, thjesht ju bëheni më të fortë. Kësaj radhe po e përjetojmë siç nuk e kishim imagjinuar.

Ndërsa po synonim të dilnim nga kthetrat e pandemisë, një tjetër plagë goditi Europën. Sulmi rus ndaj Ukrainës, i pakonceptueshëm nga bota moderne, erdhi si një Tsunami në Europë dhe madje në të gjithë Botën. Lufta me armë shkatërruese, deri tek kërcënimi i përdorimit të armëve nukleare, po sjell një dëm të jashtëzakonshëm për Ukrainën dhe popullin e saj. Mijëra të vrarë dhe mbi 4 milionë të shpërngulur nga vendi, pavarësisht rezistencës së fortë dhe të paparashikuar të ukrain- asve.

Zhvillimet dinamike në më pak se një muaj, çuan në vendime të pamenduara më parë për dhjetëra kompani ndërkombëtare. Tregjet e lëndëve të para panë çmime të rritura me ritmet më të larta të 40 viteve të fundit, ndërsa sheshet në kryeqytetet botërore, përfshirë Tiranën, pritën protestat, fillimisht kundër luftës e më tej kundër rritjes së çmimeve. Më 8 Mars, Çmimi i Naftës kaloi nga 199 lekë/litër në 260-270 lekë për litër, ndërsa po gjatë marsit, çmimi i bukës masive kaloi nga 80 lekë në 100 dhë së fundi 120 lekë. Qeveria ngriti komitete për të …

Shiko më shumë
Na ndiqni në rrjetet sociale
0