Bashkimi Evropian dha miratimin përfundimtar që Kroacia të miratojë euron në fillim të vitit të ardhshëm, kur edhe do të bëhet anëtari i 20-të i eurozonës.
Komisioni Evropian,kishte rekomanduar që vendi duhet të lejohej të adoptonte monedhën e përbashkët, duke konstatuar se ajo përmbush kërkesat e nevojshme për çështjet përfshirë inflacionin dhe borxhin publik.
“Kjo është një ditë e madhe historike për Kroacinë. Të gjitha këto vendime shënojnë diçka të mahnitshme në historinë tonë. Por unë besoj fuqimisht se kjo është gjithashtu një ditë e madhe për Bashkimin Evropian, për bashkimin monetar evropian, sepse fakti që Kroacia do të bëhet shteti i 20-të anëtar i unionit monetar evropian të Eurozonës është gjithashtu një sinjal i qartë se integrimi evropian është në vazhdim, pavarësisht nga të gjitha sfidat me të cilat po përballemi”. – u shpreh Zdravko Maric, Ministër i Financave.
Lexo edhe: Kroacia gati t’i bashkohet eurozonës . Komisioni Europian jep “dritën jeshile”
“Është një akt përfshirjeje, kalimi nga të qenit 19 në 20 nuk është vetëm simbolike në numër, por është gjithashtu një shenjë se së bashku jemi më të fortë dhe se Eurozona dhe Euro në vetvete, veprojnë si një emërues i përbashkët – u shpreh Christine Lagarde, Presidente e Bankës Qendrore Evropiane.
Përdormi i euros në Kroaci do të ketë edhe përfitime ekonomike, të tilla si norma më të ulëta interesi dhe vlerësime më të mira të kredisë.
Lëvizja e fut Kroacinë në thelbin e BE-së, duke i bërë pagesat më të lehta dhe më të lira dhe duke i dhënë sistemit të saj financiar një rrjet sigurie në krizat e ardhshme. Vendi, atraksionet kryesore turistike të të cilit përfshijnë Splitin dhe Dubrovnikun në bregdetin e tij të Adriatikut, synon gjithashtu të bashkohet me zonën Shengen, e cila heq barrierat për të udhëtuar nëpër Evropë./
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
