Kris Bosen, njeriu i parë që u shërua nga paraliza përmes qelizave burimore - Business Magazine Albania

Kris Bosen, njeriu i parë që u shërua nga paraliza përmes qelizave burimore


Kris Bosen, një djalosh 21 vjeç nga Bakersfield, Kalifornia, iu nënshtrua një procedure terapeutike të qelizave burimore, e cila i’a mundësoj atij të shërohej nga një gjendje e paralizës, me të cilën ai kishte frikë se do ta kalonte gjithë jetën e tij.

Kur Bosen ishte më i ri, ai pësoi një aksident automobilistik të rëndë që e la përgjithmonë të paralizuar nga qafa deri poshtë.

Charles Liu, drejtor i Qendrës Neurorestoration USC, kirurg i ekipit të transplantit, tha se kjo ishte një procedurë shumë eksperimentale dhe e quante si një “studim”. Bosen u injektua me një dozë eksperimentale prej 10 milionë Qelizave AST- OPC1 në Rancho Los Amigos Qendra Kombëtare e Rehabilitimit në Downey të Kalifornisë.

Doza u injektua direkt në kordonin qiellor të qafës.

“Zakonisht, pacientët me shtyllë kurrizore të dëmtuar i nënshtrohen një operacioni që stabilizon shtyllën kurrizore, por në përgjithësi bën shumë pak për të rivendosur funksionin motorik ose ndijor. Me këtë studim, ne po testojmë një procedurë që mund të përmirësojë funksionin neurologjik, gjë që mund të nënkuptojë dallimin në mes të paralizës së përhershme dhe të aftësisë për t’i përdorur krahët dhe duart. Rivendosja e këtij niveli të funksionimit mund të përmirësojë ndjeshëm jetën e përditshme të pacientëve që kanë lëndime të rënda kurrizore,” shpjegoi Liu.

Tri vjet kanë kaluar që kur Boseni u trajtua, në prill 2016, dhe ai ka treguar përparim të jashtëzakonshëm gjatë rehabilitimit. U deshën vetëm dy javë që Bosen të rifitonte kontrollin dhe ndjesinë në krahët dhe duart e tij. ” 90 ditë pas trajtimit, Krisi është përmirësuar dukshëm në funksionin e tij motorik, deri në dy nivele të palcës kurrizore. Në rastin e Krisit, dy nivele të palcës kurrizore nënkuptojnë që ai tashmë mund t’i lajë dhëmbët me duart e tij, të përdor kompjuterin ose të bëjë gjëra tjera, kështu që ky lloj avancimi nuk mund të nënvlerësohet” tha Liu për USC-news.

Bosen shpreson që ky trajtim të mund ta ndihmojë atë që ai një ditë edhe të ecë.

“Gjithçka që kam dashur që nga fillimi ishte vetëm një mundësi për të luftuar … Dhe nëse ekziston mundësia që një ditë të eci përsëri, atëherë dreqi e marrtë! Unë dua të bëj çdo gjë që ta arrij këtë,” thotë Bosen.

Këto lloje të trajtimeve të qelizave burimore po i mbushin me shpresë njerëzit me probleme të njëjta, pasi shumë pacientë më dëmtime të njëjta po ndihen më të sigurtë për të ndjekur procedurën pasi që po e shohin suksesin e Krisit.

Vitin e kaluar, Klinika Mayo ia dha mundësinë për të provuar terapinë e qelizave burimore për dhjetë persona që vuanin nga lëndime traumatike të shtyllës kurrizore.

Një nga pacientët e qelizave staminale të Klinikës Mayo, Geoffrey Craigie nga Michigani mori trajtimin e parë të qelizave staminale muajin e kaluar.

“Ndihem sikur më pëlqen gjoksi im. Deri tani shumë mirë, është shumë emocionuese “, tha Craigie për WZZM.

“Kur u lëndova, po kaloja një kohë mjaft të errët, në depresion, duke menduar se ky është fundi im. Por në të vërtetë nuk është, ka shumë mbështetje për njerëz si unë, “shtoi ai.

Sipas një studimi të kryer këtë vit në Universitetin e Minnesota Medical School, stimulimi i palcës kurrizore duke përdorur qelizat burimore më të vërtet ndihmon në shërimin e paralizës, në shumë rrethana.

TruthTeory

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0