Kreditë me probleme, më të ulëtat në gati 7 vite, por nuk është ashtu siç duket » Business Magazine Albania – Media Dixhitale dedikuar Sipërmarrjes
Përditësuar së fundmi: 06/12/2017

Kreditë me probleme, më të ulëtat në gati 7 vite, por nuk është ashtu siç duket

Share
nga Anerola Torollari
Dhj 06, 2017
Studied at Faculty of Science, Content Editor Biznesi at Business Magazine
lexo me teper >

Nuk ishin më të ultëta prej mëse shtatë vitesh. Flasim për kreditë me probleme, të cilat në Shqipëri arritën në një të katërtën e totalit të kredive në mes të vitit 2014. Sipas të dhënave të fundit të Bankës së Shqipërisë kreditë me probleme një muaj më parë ishin më pak se 15% e totalit të financimit në vend (saktësisht 14.45%).

Kreditë me probleme janë ato që nuk paguhen të paktën prej tre muajsh. Ky është niveli më i ulët që nga fillimi i vitit 2011. Kjo ka ardhur nga përmirësimi lehtësisht i kushteve financiare të biznesit dhe individëve, por siç tregojnë shifrat, më së shumti nga korigjimet në tregun financiar.

Dy vitet e fundit, Banka e Shqipërisë në bashkëpunim me institutcionet e tjera financiare, ka shtuar punën për të fshirë nga bilancet kreditë e humbura (ato që nuk kthehen prej tre vitesh). Kjo fshirje bëhet më shumë për të shëndoshur bilancet e bankave, të cilat nuk paguajnë taksa për këtë pjesë) dhe nuk ka ndikim në gjendjen financiare të bizneseve borxhlie, apo individëve, pasi ato duhet të paguajnë gjithsesi.

Të dhënat e Bankës së Shqipërisë tregojnë se gjatë periudhës së reformimit janë fshirë 43 miliardë lekë kredi e humbur, ose një e treta e totalit të kredive të humbura. Aktualisht kreditë e humbura janë 80 miliardë lekë. Por, tregu vijon të përballet me sfidën e krijimit të kredive të tjera me probleme. Janë sipërmarrje e individë që shfaqin vonesa në pagesa dhe mund të kthehen shpejt në debitorë të këqinj.