Koronavirusi vonon planet e raketave hapësinore në Evropë

Agjencia Europiane e Hapësirës (European Space Agency, ESA) nuk do të lëshojë gjeneratën e saj të re të raketave hapësinore, Ariane 6, në 2020-ën për shkak të impaktit të marrë nga kriza e koronavirusit. Kufizimet e udhëtimeve dhe masat e karantinimit kanë ndikuar te datat e lëshimit të anijeve kozmike.

Ariane 6 ishte parashikuar që të lëshohej drejt hapësirës për herë të parë në fund të këtij viti, por do të duhet që të presë deri në 2021-shin, tha një zyrtar i ESA më 28 maj. “Mund ta themi me siguri se nisja nuk ka për të ndodhur në 2020”, shprehet për AFP, drejtori i Transportit Hapësinor, Daniel Neuenschëander. Cikli i zhvillimit të anijes hapësinore ishte veçanërisht i ekspozuar ndaj efekteve më të këqija të shkaktuara prej pandemisë duke marrë parasysh këtu faktin se projekti përfshin 13 vende të ndryshme dhe më shumë se 600 kompani të ndryshme. Agjencia Europiane e Hapësirës ende nuk ka dhënë një datë të re për lëshimin e anijes kozmike.

Agjencia aktualisht operon anijet e saj kozmike Ariane 5 dhe Vega nga një stacion i saj në Guiana Franceze, ku po vazhdon puna për të përshtatur mjediste me nevojat kryesore të Ariane 6. Ariane 6 është një version i azhurnuar përsa i përket kapacitetit të ngarkesave dhe kostove, për shkak të proceseve më të efektshme të prodhimit që sjellin fleksibilitet në kryerjen e misioneve. Por ndryshe nga raketat hapësinorë “Falcon” të Space X, Ariane 6 nuk do të jetë e ripërdorshme.

Programi i raketave hapësinore Ariane ka vënë rreth 50 % të satelitëve komercialë të botës, që nga fillimi i tij në fund të viteve 1970, duke thyer monopolin amerikan mbi industrinë. Më herët këtë vit, Komisioni Europian dhe Banka e Investimeve Europiane ka rënë dakord për të financuar projektin “Ariane” me 100 milionë euro. Debutimi i Ariane 6 nuk ka qenë i vetmi projekt i agjencisë që është shtyrë nga pandemia. Një mision në  planetin Mars për të vënë një rover në sipërfaqen e planetit të kuq u shty gjithashtu nga ky vit për në 2022-shin.

Euractiv

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale