Banka hungareze OTP po përgatitet tashmë të jetë operative pas blerjes së bankës Societe Generale Albania. Komisioni i Konkurrencës ka dhënë autorizimin për kalimin e 88.89% të aksioneve, që kontrollohen nga grupi francez, drejt shoqërisë OTP Bank Nyrt.
Konkurrenca, vlerëson se, përqëndrimi i realizuar nga kjo shitblerje nuk përbën shqetësim në drejtim të konkurrencës në tregun bankar shqiptar, nisur edhe nga fakti se hungarezët nuk kanë qenë prezentë deri më tani në vendin tonë.
Tashmë e ka radhën Banka e Shqipërisë, për të dhënë miratimin final për kalimin e pronësisë.
7 aksionerët shqiptarë do të vazhdojnë të kenë pjesën e tyre të aksioneve (11.11%).
OTP Bank ka si aktivitet kryesor ndërmjetësimin monetar, qira financiare, brokerim kontratash të letrave me vlerë; konsulencë fiskale; qiradhënia dhe operimi i pasurive të paluajtshme në pronësi ose me qera.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
