Konfindustria: Të ndalohet fiskalizimi i detyrueshëm deri në garantimin e sigurisë së të dhënave sensitive - Business Magazine Albania

Konfindustria: Të ndalohet fiskalizimi i detyrueshëm deri në garantimin e sigurisë së të dhënave sensitive

Konfindustria

Konfindustria ka ndërmarrë nismën për pezullimin e fiskalizimit të detyrueshëm për bizneset, deri në dhënien e sigurive të plota teknike dhe ligjore nga shteti shqiptar për mbrojtjen e të dhënave tregëtare të bizneseve. Gjithashtu, nisma përmban kërkesën për ngritjen e komisionit hetimor parlamentar për nxjerrjen e plotë dhe marrjen e përgjegjësive penale, financiare dhe ekonomike të institucioneve shtetërore dhe kompanive private, shkaktarë të skandalit të rrjedhjes në publik të të dhënave personale të qytetarëve dhe bizneseve në dhjetor 2021.

Skandali provoi qartësisht, se agjensitë përgjegjëse të shtetit shqiptar me në krye AKSH janë krejtësisht të paafta të mbrojnë të dhënat personale të qytetarëve dhe bizneseve të ndodhura në serverat e tyre. Në rastin e ngjashëm të rrezikut të rrjedhjes në formën e “spiunazhit tregëtar” për llogari të konkurencës të të dhënave masive të siguruara nga procesi i fiskalizimit në kohë reale nga AKSH dhe dhjetra kompanitë private ndërmjetëse, pasojat do të jenë shumë më të rënda, deri në falimentim për 120 mijë biznese, penalizime gjyqësore në vlera të jashtëzakonshme për shtetin shqiptar, goditje në afatgjatë për ekonominë deri në cënim të sigurisë kombëtare dhe rendit kushtetues.

Më poshtë është kërkesa zyrtare e Konfindustrisë drejtuar institucioneve shtetërore dhe vendimarrjes politike.

Nisma për ndalimin e procesit të fiskalizimit të detyrueshëm deri në sigurimin e mbrojtjes së të dhënave të bizneseve

ILIR META

PRESIDENT I REPUBLIKËS

ZNJ. LINDITA NIKOLLA

KRYETARE E KUVENDIT

EDI RAMA

KRYEMINISTËR

ZNJ. DELINA IBRAHIMAJ

MINISTRE E FINANCAVE DHE EKONOMISË

ARBEN SHEHU

KRYETAR I KONTROLLIT TË LARTË TË SHTETIT

HELIDON BENDO

DREJTOR I SHËRBIMIT INFORMATIV SHTETËROR

Konfindustria/Konfederata e Industrive të Shqipërisë (www.konfindustria.al), duke vlerësuar: – Pasojat e rënda private, financiare, tregëtare, ekonomike, seriozitetit të shtetit i shtrirë deri në prekjen e sigurisë kombëtare dhe marrëveshjeve të partneritetit euroatlantik të Shqipërisë, të prodhuara nga skandali i rrjedhjes në publik nga institucionet shtetërore përgjegjëse të të dhënave të ndjeshme vetjake të qytetarëve dhe bizneseve në dhjetor 2021,

Shkallën e ulët, deri në mungesë të plotë, të sistemeve të sigurisë të institucioneve shtetërore me në krye AKSH/Agjensinë Kombëtare të Informacionit për mbrojtjen e të dhënave të ndjeshme vetjake të bizneseve dhe qytetarëve shqiptarë, të vërtetuara me skandalin e dhjetorit 2021. Skandali i rrjedhjes së të dhënave nga sistemet e kontrolluara drejtpërdrejtë nga AKSH tregon pamundësinë objektive teknologjike dhe ligjore të tashme tij për të kontrolluar dhjetra kompanitë private ndërmjetëse të përfshira në procesin në vazhdim të fiskalizimit të bizneseve, – Domosdoshmërinë e parandalimit të thellimit të skandalit në drejtim të shkatërrimit të konkurencës ndërmjet bizneseve, që janë të detyruara me ligj ti nënshtrohen procesit të fiskalizimit, me pasoja të pallogaritshme financiare, ekonomike në afatgjatë. Skandali rrezikon të marrë përmasat e spiunazhit tregëtar, që mund të shkojë në humbje të mëdha financiare deri në falimentim të bizneseve. Rrezikojnë, që të rrjedhin në kohë reale në drejtim të konkurentëve të gjithë sekretet tregëtare të bizneseve si: – klientët, -furnitorët, – cmimet, sasitë e blerjes dhe shitjes së mallrave dhe shërbimeve, – xhirot ditore, – stoqet, -lëvizjet bankare, – kreditë, etj. Gjithashtu, goditje të rëndë në kushtet e mësipërme rrezikon të marri konkurenca e ekonomisë kombëtare në tërheqjen e investimeve të huaja si dhe interesat e letrave me vlerë të shtetit shqiptar në tregjet financiare ndërkombëtare. – Domosdsshmërinë e parandalimit të rrezikut të penaliteteve të rënda gjyqësore ndaj shtetit shqiptar nga bizneset e vendit dhe të huaja nga pasojat e mundshme nga rrjedhjet e të dhënave masive të siguruara nga procesi i fiskalizimit, – Domosdoshmërinë e dhënies së kohës së mjaftueshme agjensive shtetërore për të ndërtuar dhe përmirësuar legjislacionin përkatës dhe sistemet teknologjike sipas standarteve ndërkombëtare të sigurisë së informacionit me qëllim garantimin teknik dhe financiar për mbrojtjen e të dhënave të bizneseve nga ndërhyrje/sulmet e jashtëme dhe të brendshme:

Lexo: Qeveria nxjerr udhëzimin/ Taksitë dhe urbanët përjashtohen nga fiskalizimi. Proces automati për dritat dhe ujin

Kërkon nga institucionet shtetërore të shtetit shqiptar dhe vendimarrja politike si më poshte;

1- Ndërmarrjen e nismës ligjore në Kuvendin e Shqipërisë për ndalimin e procesit të fiskalizimit të detyrueshëm dhe kalimin në bazë vullnetare të procesit të fiskalizimit të bizneseve, deri në dhënien e garancive të plota teknologjike nga shteti për mbrojtjen e të dhënave private.

2- Ndërmarrjen e nismës ligjore në Kuvendin e Shqipërisë për përmirësimin e legjislacionit përkatës për dhënien e garancive të plota financiare për bizneset, që i nënshtrohen procesit të fiskalizimit dhe që mund të preken nga sulmet e jashtëme dhe të brendshme të rrjedhjes së të dhënave të grumbulluara në sistemet e agjencive shtetërore dhe kompanive private ndërmjetëse të licensuara nga shteti.

3- Krijimin e Komisionit Hetimor në Kuvendin e Shqipërisë për të vlerësuar: – cilësinë e investimeve të deritashme të realizuara në sistemin informatik kombëtar, – përgjegjësinë e agjensive shtetërore në organizimin e prokurimeve publike përkatëse, – përgjegjësinë e agjensive shtetërore në marrjen në dorëzim dhe mbikqyrjen e funksionimit të sistemeve të sigurisë, – nxjerrjen e përgjegjësve shtetërorë dhe operatorëve privatë të cilësisë së ulët të investimit, ngritjes dhe mbikqyrjes se funksinonimit të rrjetit informatik kombëtar. Si rast konkret për nxjerrjen e pëgjegjësve institucionalë dhe privatë të merret skandali i rrjedhjes masive të të dhënave të ndjeshme për biznest dhe qytetarët në dhjetor 2021 si dhe raste të tjera të ngjashme. Konfindustria fton të gjithë institucionet shtetërore, vendimarrjen politike, bizneset dhe shoqërinë civile të mbështësin nismën e mësipërme.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #28 - Prill 2022

Si sipërmarrës e keni dëgjuar, madje e keni predikuar shprehjen: jeta nuk bëhet më e lehtë, thjesht ju bëheni më të fortë. Kësaj radhe po e përjetojmë siç nuk e kishim imagjinuar.

Ndërsa po synonim të dilnim nga kthetrat e pandemisë, një tjetër plagë goditi Europën. Sulmi rus ndaj Ukrainës, i pakonceptueshëm nga bota moderne, erdhi si një Tsunami në Europë dhe madje në të gjithë Botën. Lufta me armë shkatërruese, deri tek kërcënimi i përdorimit të armëve nukleare, po sjell një dëm të jashtëzakonshëm për Ukrainën dhe popullin e saj. Mijëra të vrarë dhe mbi 4 milionë të shpërngulur nga vendi, pavarësisht rezistencës së fortë dhe të paparashikuar të ukrain- asve.

Zhvillimet dinamike në më pak se një muaj, çuan në vendime të pamenduara më parë për dhjetëra kompani ndërkombëtare. Tregjet e lëndëve të para panë çmime të rritura me ritmet më të larta të 40 viteve të fundit, ndërsa sheshet në kryeqytetet botërore, përfshirë Tiranën, pritën protestat, fillimisht kundër luftës e më tej kundër rritjes së çmimeve. Më 8 Mars, Çmimi i Naftës kaloi nga 199 lekë/litër në 260-270 lekë për litër, ndërsa po gjatë marsit, çmimi i bukës masive kaloi nga 80 lekë në 100 dhë së fundi 120 lekë. Qeveria ngriti komitete për të …

Shiko më shumë
Na ndiqni në rrjetet sociale
0