Konfindustria: të hiqen përfaqësuesit e kompanive të karburantit nga Bordi i Transparencës - Business Magazine Albania

Konfindustria: të hiqen përfaqësuesit e kompanive të karburantit nga Bordi i Transparencës

Konfindustria

Konfindustria kërkon, që qeveria të ndryshojë përbërjen e Bordit të Trasparencës, duke përjashtuar
përfaqësuesit e operatorëve të karburanteve si antarë me të drejtë vote në vendimarrje. Sipas njoftimit të saj, “është e papranueshme dhe tërësisht e paarsyeshme, që vendimarrjet të përcaktohen pikërisht edhe nga subjektet, që duhet të jenë objekt vëzhgimi për spekulime të mundshme në treg dhe për të cilët
përligjet qëllimi i krijimit të vetë Bordit të Trasparencës”.


Konfindustria vlerëson, se është domosdoshmëri krijimi i Entit Rregullator të Karburanteve si institucion profesional, i përhershëm dhe në varësi të Kuvendit të Shqipërisë sipas shëmbujt të ngjashëm të Maqedonisë së Veriut.

Konfindustria vlerëson, se përbërja e deritashme, burimet e njëanshme të të dhënave dhe mungesa e
antarëve të pavarur dhe profesionistë, krijojnë hapsira të mëdha për interpretim të pasaktë,
subjektivizëm dhe korrupsion të tipit “state capture/kapje e shtetit” në vendimarrjet e Bordit të
Trasparencës. Roli i deritashëm i tij ka qenë vetëm veprimi si “mburojë shtetërore” ndaj spekullimeve
antitreg të operatorëve në dëm të interesit publik, biznesit dhe qytetarëve.
Konfindustria vlerëson, se përfituesit e vetëm të mënyrës së deritashme të punës së Bordit tëTrasparencës janë :-rritja e sforcuar e të ardhurave për Buxhetin e Shtetit, që për periudhën 5 mujore ka rritur të ardhurat me afër 350 milion euro më shumë nga plani si dhe – kompanitë e karburanteve.

Dyshime të arsyeshme ka edhe për fshehje fiskale dhe kontrabandë në vlerë qindra milionë euro/vit në
tregun e karburanteve.Të dy palët e mësipërme në mënyrë absurde dhe përtej cdo modeli të janë palët
përbërëse të Bordit të Trasparencës.

Lexo: “Rekordi i naftës”. Bordi shpall çmimin më të lartë në 32 vite

Konfindustria shpreh shqetësimin e saj për rritjen në nivel të ri rekord të cmimit të karburantit në mbi
2.2 euro/litër me vendim të Bordit të Trasparencës nga më të lartët në Europë. Cmimet e reja thellojnë
edhe më shumë diferencën me vendet e Rajonit, me pasoja shkatërruese për ekonominë kombëtare,
biznesin dhe qytetarët.

Konfindustria kërkon edhe njëherë ndërhyrjen e menjëhershme të qeverisë për lehtësimin e ngarkesës
fiskale me qëllim uljen e cmimit të karburanteve.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #30 - Nëntor 2022
Shiko më shumë
Na ndiqni në rrjetet sociale
0