Konfindustria: qeveria shqiptare larg pritshmërive të biznesit - Business Magazine Albania

Konfindustria: qeveria shqiptare larg pritshmërive të biznesit

Konfindustria

Konfindustria vlerëson, se programi i qeverise Rama 3 në tërësinë e shtyllave kryesore të paraqitura,
është larg pritshmërive të biznesit dhe përballjes me problematikat kryesore të ekonomisë shqiptare.
Programi, jo vetëm në thelbin e tij, por edhe në mënyrën formale është i parharmonizuar në pjesët
përbërëse, me shfaqje të dukshme të mungesës së profesionalizmit dhe shkallës së besueshmërisë të
arritjes së qëllimeve dhe objektivave të paraqitura.

Në një njoftim për shtyp, Konfindustria, ka vlerësuar pozitivisht dhe mbështet emërimet e drejtuesve të rinj me formim akademik cilësor në disa prej ministrive të qeverisë Rama 3.

Së pari, në programin e paraqitur mungon analiza e thelluar e shmangies së lartë të mosarritjes së
qëllimeve të programit ekonomik të mëparshëm. Përligjja e mosarritjes të qëllimeve me fatkeqësitë
natyrore të tërmetit të vitit 2019 dhe përballjes me pandeminë e Covid është e pamjaftueshme.
Ekonomia shqiptare kishte shfaqur shenja të qarta të problematikave strukturore edhe përpara vitit
2019. Rritja mesatare në vetëm 2-3% e PPB në 6 vjecarin e parë të qeverisjes 2013-2019, është
qartësisht e pamjaftueshme në kushtet e rritjes së borxhit publik në të paktën mbi 80% të PPB.

Së dyti, në program mungon analiza e thelluar dhe paraqitja e politikave të reja të përmirësimit të të
metave thelbësore të sistemit të sotëm ekonomik si; – shkalla e lartë e monopolizimit sidomos në
sektorët strategjikë, -konkurenca e ulët e pamjaftueshme, – roli tërësisht i munguar i agjensive
rregullatore të tregut, – korrupsioni i tipit primitiv dhe “state capture/kapje e shtetit”, sidomos në:-
prokurimin publik, – politikat koncesionare dhe PPP, në nivel qëndror dhe vendor, – shkallës së lartë të
pranisë së “parave të zeza” dhe – informalitetit të përhapur. Sistemi i sotëm ekonomik paraqet shkallë
të ulët besimi në përmbushjen e synimit për rritje ekonomike 4.5-5% të PPB dhe financimit të projekteve
investuese dhe premtimeve të paraqitura në programin e qeverisë Rama 3.

Së treti, programi qeverisës Rama 3 nuk paraqet politikat ekonomike, tregtare, financiare dhe fiskale të
ndara sipas sektorëve dhe mënyrës sesi duhet bërë shpërndarja e investimeve buxhetore me qëllim
rritjen e efektivitetit të përdorimit. Sa më sipër janë të domosdoshme, sidomos në kushtet e proceseve
politike integruese rajonale dhe BE. Gjithashtu, programi paraqet kontradikta të thella ndërmjet
qëllimeve të vendosura dhe mjeteve të arritjes së tyre. Përmendim këtu mungesën e parashikimit të
investimeve në zgjidhjen e problematikave të thella dhe urgjente në fusha si përpunimi i ujrave të zeza,
mbetjeve të ngurta, etj., me ndikim të drejtpërdrejtë të dëmshëm në industrinë e turizmit të përcaktuar
si qëllim parësor në program, ndërkohë që paraqitet një listë investimesh e paarsyetuar në mënyrë
krahësimore për ndërtim aeroportesh, rrugësh, hekurudhash, etj.

Së katërti, besueshmëria e arritjes së suksesit të programit të Qeverisë Rama 3, ulet ndjeshëm edhe nga
ndërtimi i ministrive më pjesë përbërëse, që kanë përplasje interesi institucional ndërmjet tyre.
Përmendim Ministrinë e Financave që përfshin edhe Ekonominë, Ministrinë e Bujqësisë, që përfshin
edhe Sigurinë Ushqimore, Ministrinë e Turizmit, që përfshin edhe Mjedisin. Sidomos, mungesa e
Ministrisë së pavarur të Ekonomisë dhe Tregëtisë është e papranueshme në kushtet e sotme të zhvillimit
ekonomik dhe proceseve integruese me pasoja në prodhimin dhe industritë vendore.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0