Konfindustria përshëndet heqjen e koncesionit për pasaportat dhe ID e shqiptarëve - Business Magazine Albania

Konfindustria përshëndet heqjen e koncesionit për pasaportat dhe ID e shqiptarëve

Konfindustria përshëndet heqjen e koncesionit për pasaportat dhe ID e Shqiptarëve

Konfindustria mbështet vendimin e Ministrisë së Brendshme për dhënien fund të konçesionit privat të prodhimit të dokumentave të identifikimit dhe të kalimit të shërbimit në menaxhim publik.

Konçesioni i prodhimit të ID dhe pashaportave është dhënë 15 vite më parë.  “Kompania private zotëruese e konçesionit ka përfituar në formën e fitimit gjatë kësaj periudhe në mbi 500 milionë $, përfshi edhe kompanitë mëmë. Për vitin financiar 2021 kompania konçesionare kishte normën më të lartë të fitimit në shkallë vendi mbi 40%. Në vitin 2013, pa asnjë garë, afati i konçesionit u shty për një periudhë 10 vjeçare, duke i shkaktuar buxhetit të shtetit 250-300 milionë$ humbje. Konçesioni në fjalë është dhënë si pjesë e procesit të liberalizimit të vizave të Shqipërisë në Bashkimin Europian”, thekson Konfindustria në një njoftim të saj.

Konfindustria vlerëson, se një veprim i ngjashëm për të kaluar në menaxhim publik do të duhet te shtrihet edhe në konçesione dhe PPP të tjera shërbimesh si: skanimi, aeroportet, check-up, ngjyrosje dhe metrologjia e karburanteve, pullat fiskale, shëndetësia, etj.

Lexo: Brezi i “humbur”; Pse mungojnë sipërmarrësit e rinj te VIP-at në Shqipëri?

Sipas saj, politika e dhënies me konçesion dhe sidomos PPP/ Partneritet Publik Privat të burimeve natyrore e shërbimeve publike kanë qënë me efektivitet të ulët dhe në kundërshtim me interesin publik. Si të tilla janë shndërruar në barrë të rëndë për buxhetin e shtetit dhe borxhin publik, që e ka tejkaluar ndjeshëm 100% të PPB.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0