Kompania kosovare Manaferra fiton dy çmime në EUSearchAwards - Business Magazine Albania

Kompania kosovare Manaferra fiton dy çmime në EUSearchAwards

Manaferra

EUSearchAwards Manaferra fiton çmimin SILVER si Best Small SEO Agency dhe çmimin Best Use of Search: (Higher Ed.) në Europë.

Granit Doshllaku, themelues i Manaferra thotë: “Funny thing, bashkë me Dianën & Valonin kemi shkuar ‘ilegalisht’ në Barcelonë për të marrë pjesë në ndarjen e çmimeve (Spanja nuk na i njeh pasaportat e Kosovës, e na tjera s’kemi as s’dojmë”.

Këto çmime janë riafirmim i punës dhe mundit ndër vite, sipas tij, për t’u treguar të gjithëve se një agjensi nga Prishtina mundet të ofrojë shërbime me cilësi, që i tejkalojnë ato në Europë dhe Amerikë. Kjo është ajo që i bën krenar në suksesin e këtyre ditëve.

Në këtë garë, ata kishin konkurrencë nga top agjensi të shteteve të ndryshme europiane.

Dy çmimet janë:

Best Small SEO Agency (Silver) #EUSearchAwards

Best Use of Search (Higher Ed.) #EUSearchAwards

“Nominimi dhe pastaj fitorja në dy çmime nga European Search Aëards ka qenë përvojë e paharrueshme. Është një riafirmim i punës kualitative dhe rezultateve që sjellim për klientët tanë, të cilët i falenderojmë për bashkëpunimin”, thotë Graniti për Businessmag.al

Këto rezultate nuk do të ishin të mundshme pa angazhimin e super ekipit në Manaferra. Meritat për këto çmime janë të tyre, sipas tij.

Të fitosh çmimin SILVER si SEO, agjensia më e mirë në Europë është një nder dhe krenari, sidomos kur kemi parasysh faktin që Manaferra, si agjensi është themeluar dhe operon në një shtet të vogël sikurse Kosova. “Kjo na motivon që të vazhdojmë të bëjmë punë të mirë dhe t’i ndihmojmë klientët tanë që të rrisin biznesin e tyre përmes SEO”, thotë Granit Doshllaku

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #28 - Prill 2022

Si sipërmarrës e keni dëgjuar, madje e keni predikuar shprehjen: jeta nuk bëhet më e lehtë, thjesht ju bëheni më të fortë. Kësaj radhe po e përjetojmë siç nuk e kishim imagjinuar.

Ndërsa po synonim të dilnim nga kthetrat e pandemisë, një tjetër plagë goditi Europën. Sulmi rus ndaj Ukrainës, i pakonceptueshëm nga bota moderne, erdhi si një Tsunami në Europë dhe madje në të gjithë Botën. Lufta me armë shkatërruese, deri tek kërcënimi i përdorimit të armëve nukleare, po sjell një dëm të jashtëzakonshëm për Ukrainën dhe popullin e saj. Mijëra të vrarë dhe mbi 4 milionë të shpërngulur nga vendi, pavarësisht rezistencës së fortë dhe të paparashikuar të ukrain- asve.

Zhvillimet dinamike në më pak se një muaj, çuan në vendime të pamenduara më parë për dhjetëra kompani ndërkombëtare. Tregjet e lëndëve të para panë çmime të rritura me ritmet më të larta të 40 viteve të fundit, ndërsa sheshet në kryeqytetet botërore, përfshirë Tiranën, pritën protestat, fillimisht kundër luftës e më tej kundër rritjes së çmimeve. Më 8 Mars, Çmimi i Naftës kaloi nga 199 lekë/litër në 260-270 lekë për litër, ndërsa po gjatë marsit, çmimi i bukës masive kaloi nga 80 lekë në 100 dhë së fundi 120 lekë. Qeveria ngriti komitete për të …

Shiko më shumë
Na ndiqni në rrjetet sociale
0