Startup-i amerikan Hyperion ka prezantuar supermakinën elektrike me hidrogjen XP-1, e cila mund të udhëtojë deri në 1600 km vetëm me një serbator të mbushur me hidrogjen. Motorët e saj elektrikë kanë aftësinë të gjenerojnë deri në 1000 kuaj fuqi. Sipas kompanisë, makina “Hyperion XP-1” mund të arrijë nga 0 në 100 km në orë vetëm për 2.2 sekonda.
Makina është pjesë e një plani për të rritur përdorimin e teknologjisë së hidrogjenit në të gjithë industrinë e automobilave. Makinat që përdorin qelizat e hidrogjenit si karburant janë mjete elektrike që e përdorin hidrogjenin për të gjeneruar fuqi brenda makinës në vend që të përdorin baterinë për ta akumuluar këtë energji.
“Inxhinierët e hapësirës ajrore kanë kuptuar prej kohësh avantazhet e hidrogjenit si elementi më i bollshëm dhe më i lehtë në univers,” shpjegoi CEO i Hyperion, Angelo Kafantaris. Tani, me këtë automjet, konsumatorët do të provojnë vlerën e tij të jashtëzakonshme.
“Ky është vetëm fillimi i asaj që mund të arrihet me hidrogjenin si një mjet i ruajtjes së energjisë. Potenciali i këtij karburanti është i pakufishëm dhe do të sjellë recolucion në sektorin e energjisë. ”
Hyperion me bazë në Kaliforni furnizon sistemet e hidrogjenit për firmat inxhinierike dhe agjensitë hapësinore përfshirë NASA-n. Kompania synon të fillojë prodhimin e XP-1 në 2022, me vëllim të kufizuar në vetëm 300 njësi në të gjithë botën.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
