Kompani të mëdha lindën në kohë krizash. Klodiana Ajazi flet rreth mundësive të shitjes gjatë pandemisë - Business Magazine Albania

Kompani të mëdha lindën në kohë krizash. Klodiana Ajazi flet rreth mundësive të shitjes gjatë pandemisë


Ditët e karantinimit sigurisht që ishin një kohë mirë për të reflektuar. Klodiana Ajazi, tha gjatë webinarit të mbajtur nga Albacademy, se kjo ishte një periudhë kur duhej të ishim pozitivë, por edhe të zgjedhim çasjen e duhur. Themeluesja e dy bizneseve në fushën e marketingut dhe investimeve u fokusua kryesisht tek shitjet për të ndarë me ne praktikat më të mira të mundshme në këtë periudhë të pazakontë. Ajo tha se, duhet të jemi praktikë dhe mbi të gjitha të shmangim panikun.

“Kur kemi panik dhe jemi të pasigurt, humbasim elementë thelbësorë. Nuk qëndrojmë brenda rregullave dhe nuk e kuptojmë përshtatjen e tregut. Agjentët e shitjes duhet të kujdesen për të shmangur panikun, frikën. Është një mundësi për të mos qenë pasivë”, theksoi ajo.

Themeluesja e Inovest kujtoi se, për shkak të qasjeve dhe menaxhimit të duhur, janë krijuar produkte të reja. Sot stafi nuk është barrë. Më shumë se kurdo është një aset. Ndaj duhet parë si i tillë. Nëse doni të rrisni shitjet në një periudhë të tillë, shiko kush është produkti më me interes?

Nëse nuk kemi hapësira në shitje, ky është një moment i mirë, sipas saj për t’u përmirësuar. “Jo të gjitha e aplikojnë shumë pjesën e teknologjisë. Le ta shfrytëzojmë këtë kohë për të adaptuar brenda biznesit tonë sistemet teknologjike, për shitjet”.

Ajo solli në vëmendjen e ndjekësve të webinarit, temën e flotës detare të Perikliut. “Flota detare kishte 150 anije. Ai kishte planifikuar në mënyrë përfekte strategjinë e tij të luftës, por i ndodh diçka e papritur. Një eklips diellor bën që kapiteni futet në panik, duke rrezikuar humbjen e drejtimit të anijes. Perikliu i hedh mbi kokë një copë të zezë duke e pyetur nëse mund të drejtonte në këtë rast. Kapiteni tregon se nuk kishte frikë nga një copë e zezë mbi kokë, ndaj Perikliu i kujton se nuk është i rëndësishëm shkaku i errësirës. Perceptimi i saj është në varësinë tonë.

Lexo: 10 Mësime Marketingu çdo startup duhet të mësojë për vitin 2020

Frikërat tona mund të bëhen rezultatet tona të nesërme, thotë Klodiana Ajazi. Ajo kujton se bizneset dhe klientët duhet të fillojnë të mendojnë cilat janë kanalet e shitjes. Duke thënë se shitja është psikologji, ajo kujtoi bizneset e ngritura në kohë krizash, të cilat sot kanë emra ndërkombëtar. E kishit menduar? Janë pikërisht emra të suksesshëm si: Revista Fortune, FedEx, UPS, Walt Disney Company, Standard Oil, Coors, Revlon, General Motors, Proctor & Gamble, LinkedIn, Microsoft, etj. Ato patën sukses pikërisht se u fokusuan në përvojat reale të asaj periudhe.

Në zgjidhjen e qasjes së duhur Ajazi kujtoi disa hapa të rëndësishëm për t’u ndërmarrë:

  1. Buxheto edhe nëse nuk e ke bërë më parë.
  2. Supozo më të keqen.
  3. Vepro shpejt.
  4. Mos ndalo.
  5. Ndiq ndryshimet dhe avancimet teknologjike.
  6. Përshtatu dhe përmirësohu. Gjenero mundësi të reja.
  7. Kupto cilat janë tendencat dhe ku mund të gjesh treg.
  8. Përmirëso stafin dhe mënyrën e operimit.
  9. Informohu vazhdimisht
  10. Shit vlerë, kjo është domosdoshmëri dhe nevojë.
  11. Ul kostot & përpiqu të sigurosh cash flow

Klodiana Ajazi solli në vëmendje edhe një set veprimesh që transmetojnë vlerë tek njerëzit, si: a) gjakftohtësia, b) të qenit dëshimtar i gabimeve të të tjerëve, c) të qenit një vëzhgues i mirë, d) kursimtar i zoti, e) Racional & Objektiv, f) të përshtatesh ndaj presionit, g) të shfrytëzosh pasiguritë h) të kesh vetëbesim, i) të shfrytëzosh momentin, j) të jesh vizionar dhe praktik.

Lexo: Denis Gafuri, ju vë në dispozicion falas librin e tij “Suksesi në Shitje”

Kjo është një periudhë kur ka nevojë për një gjykim objektiv dhe vullnet, sipas saj. “Shpërfillja e funksionit të sistemeve çon në mos zbatimin e procedurave dhe rregullave”, theksoi Ajazi

 

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0