Këto vazo të gjelbërta janë përgjigjja e Amsterdamit për problemin e urinimit në publik

Qyteti i Amsterdamit ka zgjedhur një metodë ekologjike për të zgjidhur një problem të vjetër, urinimin në publik. Këshilli lokal ka instaluar tetë tualete publike të mbushura me kërp, në disa pika të qytetit. Tualetet quhen “GreenPees” dhe në dukje të japin pamjen e një vazoje të mbjellë me bimë të gjelbërta, por në të vërtetë, “vazoja” është një ambient i përshtatur për kryerjen e nevojave personale.

“GreenPees” është prodhuar nga një ndërmarrje holandeze, “Urban Senses” dhe tani ka gjithsej 12 “vazo” urinale në Amsterdam, ka thënë shpikësi Richard de Vries të premten për CNN.

De Vries, një psikolog mjedisor, ka punuar me këshillin lokal një projekt pilot në vitin 2018, duke instaluar “GreenPees” në katër zona të njohura të urinimit publik në qendër të qytetit. Në përfundim, “rezultati ishte një sukses i madh,”– ka thënë De Vries. Të inkurajuar nga rezultatet e testimit, zyrtarët urdhëruan dhe tetë “GreenPees” të reja, për të cilat ishte vendosur të shpërndaheshin në muajin shkurt, pandemia koronavirus e pa Amsterdamin të mbyllur dhe kishte më pak kërkesë për tualete publike.

Megjithatë, rreth tre javë më parë, qyteti filloi të hapet përsëri, me bare që mirëpresin mysafirët dhe turistët.  “Kishte më shumë nevojë për tualete. ‘GreenPees’ kanë shumë përfitime, nga mbrojtja e ndërtesave historike nga efektet gërryese të urinimit, deri në uljen e përdorimit të ujit në krahasim me tualetet tradicionale. “Vazot’ gjelbërojnë në mënyrë efektive qytetin, duke tërhequr bletë dhe insekte të tjera. Gjithashtu, “GreenPees” prodhon pleh organik dhe ujë, që mund të përdoren për të ushqyer dhe ujitur hapësirat e gjelbërta të qytetit. Duket e shkëlqyeshme por është gjithashtu funksionale,”– ka thënë De Vries.

Operatorët mund të kontrollojnë “GreenPees” me dorë për të parë kur ajo duhet të boshatiset, ose të përdorin një sensor smart që do të dërgojë një alarm- thuhet në faqen e internetit të kompanisë. De Vries tashmë ka instaluar GreenPees në qytetet holandeze të Vlaardingen dhe Beekbergen, dhe qytetet belge të Mechelen dhe Genk. Gjithashtu De Vries, ai dëshiron të shohë nëse ai mund ta shtrijë konceptin në vendet e tjera dhe si të gjenerojë energji elektrike kur dikush futet në “GreenPees”.

CNN

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale