KE, propozon hapjen e negociatave. Po ekonomia si është?


Komisioni Europian, propozoi anëtarsimin e Shqipërisë në BE. Ky propozim bazohet në raport progresin që BE bën për vendet kandidate si Shqipëra.

Në raportin  e këtij viti, komisioni ka nënvizuar ecurinë e mirë për disa aspekte të ekonomisë duke përfshirë uljen e borxhit, deficitit dhe kredive me probleme.

Megjithatë disa rekomandime shoqërojnë raportin.

Ja çfarë duhet të ketë parasysh qeveria shqiptare sipas Komisionit, për një rritje të qëndrueshme të ekonomisë:

1- Vijim i konsolidimit fiskal. Kjo, për të përmbushur objektivin afatmesëm për reduktimin e borxhit publik dhe për të krijuar më shumë hapësirë ​​për manovrim të politikës fiskale;

2- Forcimin e stabilitetit financiar. Nxitje për zgjidhjen e çështjes së kredive me probleme dhe përdorimit të monedhës vendase;

3- Ulje e ekonomisë informale, duke përfshirë punën e padeklaruar, kryesisht përmes deklarimit të punonjësve.

Ja kritikat

Sipas raportit të BE-së për pjesën e ekonomike, mjedisi i biznesit mbetet pengesë për konkurrencën dhe rritjen, pavarësisht legjislacionit të ri dhe masave të tjera

Edhe pse së fundi, qeveria ka shpallur reformën e derregullimit duke synuar uljen e dokumentave të nevojshme për një aplikimin apo verifikimim, raporti vëren se, “Pengesat e tepërta rregullatore dhe procedurale përbëjnë një kufizim tjetër të rëndësishëm për biznesin. Qasja në financat formale, sidomos në fazën fillestare të një biznesi, mbetet një sfidë për firmat.”

Mangësitë në sundimin e ligjit vazhdojnë të pengojnë mjedisin e biznesit, edhe pse reforma e drejtësisë ka përparuar. Informaliteti vlerësohet të jetë mbi 30% sipas raportit, i cili thekson se në këtë masë humbasin të ardhurat nga taksat dhe nuk ka mbrojtje në tregun e punës dhe konkurencën mes kompanive.

Detyrat për zhvillim Afatgjatë sipas raportit

1- Përmirësim i cilësisë së sistemit arsimor, duke përfshirë rritjen e kapacitetit;

2- Zhvillim i kapacitetit për tërheqjen e teknologjive, kërkimin, zhvillimin dhe inovacionin;

3- Rritje e investimet publike në infrastrukturë, në formë transparente dhe të përgjegjshme.

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale