Je drejt suksesit? Mirëmenaxho entuziazmin


Nga Klevisa Gjika, studente në Fakultetin e Gazetarisë, UT 

Ne jemi ata që punojmë çdo ditë, ndërveprojmë e madje edhe rrezikojmë për të ngjitur shkallët e karrierës, për t’i  parë gjërat nga një tjetër karrige.

Pasqyrimi i dijeve, aftësive e talentit në fushën përkatëse bën që dalëngadalë të vlerësohemi e të futemi nën petkun e menaxherit, redaktorit, e pse jo edhe në atë të aksionerit apo eprorit.

Në raste të tilla ndihesh kaq i përmbushur profesionalisht, sa papritur, në një mbledhje, prezantim apo organizim, teksa buzët të shkojnë të veshët e sytë të shkëlqejnë, ti nuk shprehesh dot.

Mjafton të marrësh frymë thellë, të kuptosh se të gjithë janë aty për ty, për të të dëgjuar, për të marrë ndonjë detaj apo kapur ndonjë frazë tuajën tepër interesante e motivuese. Ata janë aty për ty dhe presin t’i bësh të ftuarit e tu të ndihen të nderuar, pasi prezenca e tyre është respekt dhe vlerësim në fazat e para të inicimit të diçkaje.

Kujtoja vetes se ky është vetëm fillimi. Vetëpërmbahu, ndoshta picko edhe veten për të rikujtuar se je në një realitet ku peshorja më në fund anoi nga ti, por asnjëherë mos mendo se kaq ishte dhe se kaq doje.

Ti dëshiron të fluturosh nga gëzimi për këtë rast të shumëpritur e të ëndërruar, do të kthesh një apo më shumë gota, të dëfrehesh, të kërcesh, të festosh…

Të qenit entuziast, e sidomos kur arritje të mëdha të shoqërojnë është pozitive, por për ta mirëmenaxhuar entuziazmin, duhet të ndjekësh disa taktika të lehta, të thjeshta në mënyrë që gjithë shkëlqimi i atij momenti të mos zbehet e të mos përfundosh në ditët e zymta e jetën monotone.

Kështu, ji pak i zgjuar!

Ndaje kënaqësinë, lumturinë që dominon shpirtin tend. Shprehu thjesht e ji i kuptueshëm. Mos u përpiq të dukesh perfekt e të komandosh çdo gjë. Lëri gjërat të rrjedhin si nëpër ujëvara, ku të gjithë magjepsen nga natyraliteti ekzistues.

Ndaje gjithçka që do të thuash në pika referenciale, duke lehtësuar edhe punën tënde, por edhe për të mos u lodhur për të mbajtur mend gjithë tekstin që doje të thoje. Është e njëjta gjë sikur lexon një libër. Në përfundim të tij disa janë pikat kyçe, ku vërvitej autori. Të njëjtën gjë bëj edhe ti. Ji praktik, i shpejtë, konçiz e vlerësimi do të të shtohet akoma më shumë.

Kurrë mos e nënvlerëso veten.

Ti mundesh! Po…, ti mund t’ia dalësh e të kthehesh edhe në një muzë unike me vetëpërmbajtje, vetëbesim e sfidues në gjërat e reja.

Kurrë mos u ndal së kërkuari dritën në fund të tunelit, edhe nëse ti mendon se e ke arritur atë. Mos kërko asnjëhërë vezullim të menjëhershëm, pasi do të shuhesh e nuk do të mbahesh mend as për shkëlqimin që kishe.

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale