Ja si të “pushojnë” nga puna rrjetet sociale


Rrjetet sociale prej disa vitesh janë bërë “virale”, me postime të vazhdueshme të momenteve nga jeta jonë e përditshme. Por fatkeqësisht, jo të gjithë janë të aftë të bëjnë dallimin midis atyre postimeve të cilat janë të përshtatshme për rrjetet sociale, dhe atyre që nuk duhet të jenë aty.

Për një arsye shumë të thjeshtë: ato mund të të kushtojnë edhe punën.

Ju prezantojmë me disa persona të cilët e kishin “seriozisht” me gjykimet e tyre të postuara në mediat sociale…dhe rezultati nuk ishte edhe aq i pëlqyeshëm.

1. Punonjësja e “The Yelp” e cili postoi një artikull në Medium në lidhje me pagesën e saj të ulët.
Muajin e kaluar Talia Jane postoi një letër publike për CEO-n e Yelp, Jeremy Stopplemann në Medium, në të cilën ajo u ankua se kompania e paguante kaq pak saqë ajo ishte e detyruar të shpenzonte 80% të rrogës së saj vetëm për qeranë.
Jane nuk do t’i marrë me çeqet e pagesës në të ardhmen. Menjëherë pasi postoi letrën në Medium, ajo u informua nga departamenti i Burimeve Njerëzore i “Yelp” se veprimet e saj kishin dhunuar “Kodin e Sjelljes” dhe u pushua.

Jo për t’u çuditur, kësaj radhe në mediat sociale ndau me ndjekësit e saj në Twitter lajmin e pushimit nga puna.

2. Publicistja e cila “cicëroi” një shaka se ishte infektuar me AIDS para se të udhëtonte drejt Afrikës.
Justine Sacco, e cila ka qenë edhe drejtoresha e lartë e komunikimeve në kompaninë e medias IAC, e cila zotëron Tinder dhe The Daily Beast, po nisej për një fluturim drejt Afrikës së Jugut kur “cicëroi” si më poshtë:

“Për në Afrikë. Shpresoj të mos marr AIDS. Thjesht po bëja shaka. Unë jam e bardhë!”

Ndërsa ishte duke fluturuar, “cicërima” e saj u bë virale. Kur mbërriti, ajo ishte trendi numër 1 në botë në Twitter. Ajo u pushua nga puna shumë shpejt.

3. Komediani i cili “cicëroi” shaka në lidhje me tsunamin në Japoni.
Komediani Gilbert Gottfried ka qenë dikur zëdhënësi i Aflac Duck. Gjithsesi, pas disa shakave të shpenguara, “zëri” i tij i dalluar nuk ishte i mjaftueshëm për ta shpëtuar.

Ja postimet e tij në Twitter:

“Japonia më telefonoi. Më thanë ‘mbase ato shaka janë një hit në SHBA, por këtu, po mbyten.”

Ndërsa një tjetër:

“Japonia është vërtet e përparuar. Ata nuk shkojnë në plazh. Plazhi shkon te ata.
Në më pak se një orë pas postimit të këtyre “cicërimave”, Gottfried u çlirua nga angazhimet e tij me Aflac Duck.

4. Ish-futbollisti i “Ligës së Bejzbollit” i cili postoi në gjendje të dehur komente raciste ofensive gjatë një ndeshjeje.
Kini kujdes nga postimet kur keni pirë. Në 2010-ën, Mike Bacsik, një ish-futbollist i MLB (Majot League Baseball) i cili punonte si producent në një radio të Dallasit për transmetimet sportive, ishte i pranishëm në një ndeshje të NBA-së në të cilën San Antonio Spurs mundi Dallas Mavericks.

Pas lojës, Bacsik “cicëroi”: “Urime për të gjithë amerikanët e pisët në San Antonio.”

Edhe pse sipas raportimeve Bacsik ishte i dehur kur postoi “cicërimën”, kjo nuk ishte një justifikim i mjaftueshëm për punëdhënësin e tij. Shumë shpejt, ai e humbi vendin e punës.

5. E sapodiplomuara nga universiteti e cila “cicëroi” se sa shumë e urrente punën e saj të re.
Të mburreni për një ofertë pune në Twitter dhe të fyeni kompaninë që ju ofroi punë nuk është një lëvizje e zgjuar. Conner Riley, një 22-vjeçare e diplomuar në menaxhim informacioni, e zbuloi këtë në një mënyrë të keqe.

Pasi iu ofrua një pozicion nga kompania e teknologjisë “Cisco” në Kaliforni në 2009-ën, Riley “cicëroi”:

“Cisco sapo më ofroi një punë! Tani duhet të krahasoj përfitimet nga një rrogë e majme me udhëtimin e përditshëm për në punë në San Jose dhe të urryerin e punës.”

“Cicërima” e saj provokoi reagime në Twitter, duke përfshirë një ortak të ‘Ciscos’ i cili shkroi se do të ishte i lumtur t’ia kalonte ngushëllimet Departamentit të Burimeve Njerëzore. Mjafton kjo për të thënë se oferta e saj e punës u zhduk.

6. Punonjësi i “The Taco Bell” i cili “cicëroi” një foto të vetes duke urinuar mbi ushqimin.
Në 2012-ën, punonjësi i “Taco Bell” Cameron Jankowski postoi një foto ku shfaqej ai duke urinuar mbi një pjatë më naço. Ai më pas pretendoi se nuk e kishte shërbyer kurrë atë pjatë.

Postimi i tij solli inatin e pritur, dhe grupi i famshëm i hakerave Anonymous (i njëjti i cili pretendoi se qëndronte pas skandalit të hakerimit të Ashley Madison) u përfshi dhe hodhi në Youtube një video që përmante informacionin personal të Jankowskit.
Më pas, punonjësi u pushua nga Taco Bell. Në atë se mendonte se ishte një vendim i zgjuar, ai gjithashtu fshiu edhe llogarinë në Twitter.

7. Aktorja në Glee e cila ‘përfitoi’.
Kur Nicole Crowther, një perosnazh i shtuar në shfaqjen tashmë të anulluar të Fox, Glee, “cicëroi” se kush ishte shpallur princi dhe princesha e ballos së maturës në një episod që ende nuk ishte transmetuar të 2011-ës, bashkë-krijuesi i Glee Brad Falchuk iu përgjigj duke shkruar:

“Shpresoj të jesh e kualifikuar për të bërë një punë tjetër përveç argëtimit…Kush je ti që përfitosh nga diçka që njerëzve të talentuar u janë dashur muaj për ta krijuar?”

Edhe pse Crowther pretendon se nuk kishte punuar në atë episod dhe se e kishte siguuar atë informacion nga të tjerë, ajo u pushua nga shfaqja gjithsesi.

 

/Shkruar nga Carolyn Sun, Publikuar nga Entrepreneur.

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale