Ja përse të gjithë milionerët e bitcoin po zhvendosen në Porto Riko - Business Magazine Albania

Ja përse të gjithë milionerët e bitcoin po zhvendosen në Porto Riko

Në mars të vitit 2021, sipërmarrësi dhe investitori i kriptomonedhave, David Johnston, u zhvendos me prindërit, gruan, tre vajzat dhe shoqërinë e tij në Porto Riko. 36-vjeçari, i cili ka qenë i përfshirë në ekosistemin e kriptomoedhave që nga viti 2012, thotë se vendimi për t’u zhvendosur nga Austin nuk donte shumë mend.

Përtej faktit se Puerto Riko ofron një sfond tropikal gjatë gjithë vitit me plazhe piktoreske, ky territor i SHBA-së ka gjithashtu politika miqësore me kriptografinë, duke përfshirë lehtësira të mëdha tatimore për ata që kalojnë të paktën 183 ditë në ishull çdo vit. Banorët mund të mbajnë pasaportat e tyre amerikane, ndërsa në të njëjtën kohë nuk duhet të paguajnë asnjë taksë mbi fitimet kapitale.

“Aty janë të gjithë miqtë e mi. Unë nuk kam më asnjë mik që ka mbetur në Nju Jork, dhe ndoshta pandemia e përshpejtoi këtë, por të gjithë ata janë zhvendosur në Porto Riko, “thotë Johnston, duke vënë në dukje se shumë nga miqtë e tij në Kaliforni kanë bërë gjithashtu këtë lëvizje.

Johnston thotë për CNBC se pasi pa miqtë dhe kolegët e tij të zhvendoseshin, ai shkoi ta vizitonte vetë në fillim të vitit 2021-shit.

“Thashë, ‘Wow, mirë, e kuptoj’,” Johnston kujton përshtypjen e tij të parë për territorin e ishullit të vogël, perimetri i të cilit mund të kalohet në gjysmë dite. “Ishulli ka tre milionë njerëz…është mjaft i madh për të ndërtuar një qendër teknologjike.”

Lexo edhe: Ky boshllëk tatimor po ndihmon investitorët e Bitcoin-it të kursejnë para

Johnston thotë se Puerto Rico i kujton shumë Austin-in në vitin 2012. Para se Tesla, Samsung dhe Apple ndihmuan ta kthenin kryeqytetin e Teksasit në një nga qendrat më popullore të teknologjisë në vend. Por ngjashëm me Porto Rikon e sotme, Austin kishte shumë energji dhe shumë njerëz të apasionuar që lëviznin atje, gjë që u përshpejtua me kalimin e kohës.

“Këtu është komuniteti im. Aty po shkojnë njerëzit që unë njoh dhe dua, dhe ata do të shkojnë atje për të ndërtuar diçka interesante. Diçka që i ndihmon njerëzit e zakonshëm, dhe kjo është ajo që më pëlqen për blockchain. Është e hapur për të gjithë”, tha ai.

cnbc 

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #28 - Prill 2022

Si sipërmarrës e keni dëgjuar, madje e keni predikuar shprehjen: jeta nuk bëhet më e lehtë, thjesht ju bëheni më të fortë. Kësaj radhe po e përjetojmë siç nuk e kishim imagjinuar.

Ndërsa po synonim të dilnim nga kthetrat e pandemisë, një tjetër plagë goditi Europën. Sulmi rus ndaj Ukrainës, i pakonceptueshëm nga bota moderne, erdhi si një Tsunami në Europë dhe madje në të gjithë Botën. Lufta me armë shkatërruese, deri tek kërcënimi i përdorimit të armëve nukleare, po sjell një dëm të jashtëzakonshëm për Ukrainën dhe popullin e saj. Mijëra të vrarë dhe mbi 4 milionë të shpërngulur nga vendi, pavarësisht rezistencës së fortë dhe të paparashikuar të ukrain- asve.

Zhvillimet dinamike në më pak se një muaj, çuan në vendime të pamenduara më parë për dhjetëra kompani ndërkombëtare. Tregjet e lëndëve të para panë çmime të rritura me ritmet më të larta të 40 viteve të fundit, ndërsa sheshet në kryeqytetet botërore, përfshirë Tiranën, pritën protestat, fillimisht kundër luftës e më tej kundër rritjes së çmimeve. Më 8 Mars, Çmimi i Naftës kaloi nga 199 lekë/litër në 260-270 lekë për litër, ndërsa po gjatë marsit, çmimi i bukës masive kaloi nga 80 lekë në 100 dhë së fundi 120 lekë. Qeveria ngriti komitete për të …

Shiko më shumë
Na ndiqni në rrjetet sociale
0