Ja disa mënyra për të fituar besnikërinë e klientit tuaj


Sfida më e madhe me të cilën përballet çdo biznes i ri është mënyra e tërheqjes së klientëve. Ndërsa bizneset rriten, kjo sfidë kthehet në një ekuacion paksa të ndryshëm, për të tërhequr klientët e rinj dhe për të inkurajuar besnikërinë e markës me klientët e vjetër.

Këtu janë disa mënyra për të ndërtuar dhe inkurajuar besnikërinë e klientit ndaj kompanisë suaj:

Bëni klientët tuaj të ndjehen të veçantë
Mbani shënim data të rëndësishme siç janë ditëlindjet dhe data të tjera të rëndësishme në lidhje me klientët tuaj dhe përdorni ato për të krijuar një marrëdhënie personale me klientët. Për shembull, dërgimi i një karte të personalizuar për ditëlindjen e një klienti, dërgon një mesazh të qartë se ju vlerësoni marrëdhëniet e tyre me kompaninë tuaj.

Krijoni kontakte përmes mediave sociale
Përdorni mediat sociale për të krijuar një marrëdhënie me klientët tuaj, dhe mbani mend se media sociale është një rrugë e dyanshme. Sekreti i biznesit me fushata të suksesshme në median sociale është të përdorni platformat e ndryshme të mediave sociale për një bisedë miqësore, të dyanshme me klientët tuaj.

 Kërkoni këshilla nga klientët dhe ndiqini ato
Konsumatorët dëshirojnë t’ju japin reagime të vlefshme. Pyetja është, a jeni i gatshëm të dëgjoni dhe të veproni për reagimet e tyre? E vetmja mënyrë për të njohur me të vërtetë nëse kompania juaj po shkon mirë, ose nëse një produkt ka nevojë për përmirësim, është të pyesni njerëzit që duhet t’a blejnë atë. Kërkoni përshtypjet e tyre dhe veproni.

Lexo: Vetëm 20 vjeç, kompania e tij ka klientë ndërkombëtarë

Shpërblejeni besnikërinë e klientit me azhurnime falas
Konsumatorët besnikë janë ata me të cilët ndërtohet një biznes i fortë. Nëse një klient besnik porosit një produkt, dërgoji atij edhe  një aksesor falas. Kostoja për ju do të jetë një pjesë e asaj që do të merrni në këmbim, në formën e rritjes së besnikërisë, të pozitivitetit dhe të rritjes së shitjeve.

 Mbështetni klientët tuaj
Klientët nuk kanë nevojë vetëm për produktin tuaj, ata kanë nevojë së pari për mbështetje. Ofroni klientëve tuaj mbështetjen më të mirë të mundshme, para dhe pas shitjes dhe ata do t’ju shpërblejnë me besnikëri.

Ofrojini klientëve tuaj atë që nuk mund t’jua ofrojnë konkurentët
Diferencimi është çelësi i suksesit në një treg të mbushur me njerëz. Jepni klientëve tuaj diçka që konkurrenca nuk është në gjendje ose nuk dëshiron t’iu japë atyre të tilla si: transporti falas, mbështetje 24-orëshe, garanci më të mira ose mbështetje të klientit – për të fituar një avantazh ndaj konkurrencës suaj. Mos harroni, qëllimi juaj nuk është të ofroni vlera të barabarta me konkurrencën, por vlerë më të mirë se konkurrenca.

Bëni oferta special për klientët tuaj special
Për të krijuar besnikërinë e klientit duhet t’i kujtoni atij se sa vlerësoni marrëdhëniet tuaja me ta. Një mënyrë e shkëlqyeshme për ta bërë këtë është të ofroni produkte të veçanta dhe zbritje në çmime. Kjo ndjenjë ekskluziviteti inkurajon klientët besnikë të qëndrojnë besnikë.

Rezervoni për klientët tuaja priduktet më të mira
Produktet e mira janë produkte që evoluojnë dhe përmirësohen në mënyrë të qëndrueshme. Sidoqoftë, një pjesë e këtij ekuacioni është duke u siguruar që klientët tuaj e dinë që ju po përpiqeni t’i jepni produktet tuaja më të mira. Mbajtja e klientëve të informuar për ndryshimet e produkteve, i bën ata të ndjehen pjesë e ekipit tuaj.

Bëni pyetjen magjike
Pyetja më e rëndësishme që mund t’i bëni ndonjëherë një klienti është kjo: “Çfarë produkti ose shërbimi do të donit që ne t’ju ofrojmë?’ Ju e dini shumë mirë se çfarë produkti përdor klienti juaj besnik, por kjo është një formë respekti dhe mirësjellje, për t’i treguar atij se e vlerësoni prezencën në dyqanin tuaj. Ata sërish do t’ju tregojnë për çfarë interesohen dhe ju duhet t’i merrni parasysh kërkesat e tyre.

Inc

Must watch
Business Mag Nr. #22 - Dhjetor 2019

Kemi ndjekur me vëmendje zhvillimet në ekonomi, e në veçanti ata që ne i quajmë gjeneratorët e kësaj ekonomie, sipërmarrësit privatë. Padyshim që sfidat janë të mëdha. Tregje të pa konsoliduara, konkurrencë e pandershme në shumë sektorë, pak mundësi për financim dhe investime në projekte të reja, Por ne kemi vërejtur gjithashtu një dinamikë e dëshirë të madhe për të ecur përpara.

Në Numrin 22 të Revistës së Businessmag, ju do të gjeni sipërmarrës të dhjetëvjeçarit të fundit, të cilët po shënojnë historinë e tyre të suksesit pa u ndier. Aktivë, energjikë, vizionarë dhe shumë të thjeshtë, ata mund të jenë një model shumë i mirë për t’u ndjekur. I tillë është Urani. Pasioni për perfeksionizëm e siguri nuk ia ul ritmin marramendës të ngritjes dhe zhvillimit të një biznesi. Ai sot ka ngritur një rrjet biznesesh të tija dhe administron edhe sipërmarrje të tjera.

Në brendësi të revistës do të gjeni edhe sipërmarrës të tjerë, nga Shqipëria dhe Kosova.

Ky numër u është dedikuar personazheve të suksesshshëm dhe zhvillimit të aftësive në shërbim të tregut. Ndaj i kemi dedkuar një paketë speciale artikujsh kapitalit njerëzor, rëndësisë së tij, sfidave dhe projekteve të vitit të arshshëm, të prezantuara në Shkollën Verore organizuar nga projekti zviceran “Aftësi për Punë”.

Mes personazheve ju sjellim Brizida Delvina, administratore e një hoteli në Tiranë, Ajo ka zhvilluar një karrierë ideale në fushën e hoteleri-turizmit. Edhe pse Brizida pëlqen të rrijë larg vëmendjes, ajo është një model frymëzues dhe një mentore e mundshme, tashmë edhe për ju që do …

Shiko më shumë
Na ndiqni në rrjetet sociale