Ja cilët janë 3 fituesit e çmimit të Guvernatorit për këtë vit - Business Magazine Albania

Ja cilët janë 3 fituesit e çmimit të Guvernatorit për këtë vit


Është bërë traditë çdo fundviti që Guvernatori i Bankës së Shqipërisë të japë çmim për diplomën më të mirë të vitit. Në konkursin e hapur “Çmimi i Guvernatorit për Diplomën më të Mirë për vitin 2018” kanë marrë pjesë gati 30 konkurrentë.

Migena Musli, mori çmimin e parë. Studente në Universitetin Mesdhetar të Shqipërisë, ajo fitoi me temën “Investimet e huaja në Shqipëri. Rasti i burimeve natyrore si një mundësi investimi”. Çmimi iu dorëzua nga Guvernatori i Bankës së Shqipërisë, z. Gent Sejko.

Tema vlerëson se burimet e shumta natyrore dhe kuadri ligjor e financiar për investimet e huaja janë të favorshme për të thithur më shumë investime të huaja. Përtej trajtimit teorik e krahasues, autori ka bërë një përshkrim të dokumentuar të burimeve natyrore dhe avantazheve të tyre për investitorët e huaj në rastin e Shqipërisë. Tema sjell një këndvështrim optimist dhe përçon një sinjal shprese, duke të kujtuar se Shqipëria është një vend i pasur dhe me potencial, që ka nevojë dhe pret të shfrytëzohet me përgjegjshmëri. 

Donald Vullnetari, u vlerësua me çmimin e dytë. Ai është student në Universitetin e Tiranës dhe çmimin e mori për temën “Dinamika e inflacionit në perspektivën e kurbës Neo-Keynesiane të Phillipsit: Rasti i Shqipërisë”. Çmimi, iu dorëzua nga Anëtari i Këshillit Mbikëqyrës së Bankës së Shqipërisë, z. Tonin Kola.

Tema është shkruar në mënyrë rigoroze dhe analizimi është bërë duke u mbështetur në literaturë të përshtatshme ekonomike. Për më tepër, vlerësimi i lidhjes bazohet në metodat e vlerësimit ekonometrik, duke adresuar problemet që lidhen me varësinë e ndërsjellë të treguesve dhe të specifikimit të saktë të modelit. Rezultatet tregojnë për një lidhje pozitive midis inflacionit dhe hendekut të prodhimit, si dhe evidentojnë faktin se pritjet inflacioniste janë backëard-looking (përcaktohen nga e shkuara), ku e shkuara ka rëndësi për formimin e pritjeve të inflacionit në të ardhmen.

Klinsman Ndoje u vlerësua me çmimin e tretë.  Ai është student në Universitetin Libre de Bruxelles, për temën “Transition from equity to inequity”. Këtë çmim e dorëzoi Zëvendësguvernatorja e Dytë e Bankës së Shqipërisë, znj. Natasha Ahmetaj.

Varfëria dhe pabarazia janë dy tema kryesore që aktualisht dominojnë jo vetëm debatin ekonomik, por edhe atë politik e social. E nxitur nga aspektet apo efektet anësore të zhvillimit të shpejtë ekonomik si rezultat i globalizimit, tranzicionit apo fenomeneve të tjera, këto dy tema janë bërë një forcë lëvizëse me një ndikim të konsiderueshëm në ngjarjet politike e sociale. Tema ka një shtjellim të plotë dhe eficient të fenomenit, metodologjisë dhe rezultateve të paraqitura.

Konkursi organizohet çdo vit nga Banka e Shqipërisë dhe u dedikohet studentëve shqiptar të diplomuar brenda dhe jashtë vendit, për punë kërkimore-shkencore në çështje të lidhura me integrimin dhe zhvillimin ekonomik, ekonomiksin monetar e ndërkombëtar, stabilitetin e çmimeve dhe atë financiar, etj.

Çmimet u ndanë gjatë takimit të Guvernatorit me gazetarë, analistë dhe drejtues të medias.

Z.Sejko u shpreh mirënjohës ndaj medias për rolin konstruktiv në përcjelljen e lajmeve mbi ekonominë, financat, paranë, sistemin bankar, inflacionin, qëndrueshmërinë financiare të vendit dhe rreziqet ndaj të cilave është e ekspozuar ekonomia e vendit.

 

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0