Ja cila është strategjia më e mirë e biznesit, sipas Gary Vee


Gary Vee e quan atë “strategjinë më të mirë të biznesit, për të cilën askush nuk flet”. Sipas tij është: Mirësia.

“Është një pjesë thelbësore e trashëgimisë që po ndërtoj”, thotë Gary, sipërmarrës serial dhe themelues i VaynerMedia. “Dua të ndërtoj biznese të mëdha dhe të blej avionë, por dua ta bëj duke qenë një djalë i mirë. Kam  zero interes për të ndërtuar gradaçelat më të mëdhenj, duke rrënuar njerëzit e tjerë”.

Lexoni: SI TË TREGONI NJË HISTORI NË MEDIAT SOCIALE?

Gary thekson se mirësia është një avantazh masiv për një arsye kryesore: “mund të jesh i sjellshëm vetëm nëse mendon se po vjen nga një vend i meritave”, thotë ai.

Kjo do të thotë të jesh i sigurtë dhe me besim tek vetja dhe tek atë që duhet të ofrosh.

“Ndërsa po kalojnë vitet, unë po kuptoj gjithnjë e më shumë, se mirësia është një pjesë shumë e madhe e ekuacionit. Nuk ka të bëjë vetëm me shitjet dhe negociatat. Nuk ka të bëjë vetëm me atë që doni. Nuk ka të bëjë vetëm me presionin. Njerëzit nuk e kuptojnë që mirësia është strategjia më e mirë e biznesit”.

Por pse mirësia përbën një ndryshim të tillë?

  1. Ndërton kapitalin emocional

“Nëse i jepni vlerë së pari dikujt tjetër në biznes, ju keni avantazhin kryesor”, thotë Gary.

Sa më shumë jep Gary në marrëdhëniet e tij të biznesit, aq më shumë rritet reputacioni i tij. Dhe me një rrjet kaq të gjerë (ai ka mbi 6.9 milionë ndjekës vetëm në Instagram), ka një shans të mirë që disa nga personat, për të cilët ai bën diçka të mirë sot do të rezultojnë të bëhen dikushi në të ardhmen.

“Asnjëherë nuk e dini se çfarë mundësish do të merrni duke qenë një person i mirë”, thotë ai. “Kurrë nuk do të dini se çfarë lloj mundësish do të humbni duke qenë një person i keq”.

  1. Ushqen besnikërinë e punonjësve

Pjesa më e vështirë për të parë mirësinë si strategji biznesi, thotë Gary, është se sjellja e keqe shpërblehet aq shpesh në një afat të shkurtër. Është e lehtë të mendosh që udhëheqësit e “ashpër” janë ata që ia dalin mbanë, sepse shpesh janë ata që ne i shohim duke u ngjitur në krye.

Mirësia është pjesë e një loje të luajtur gjatë.

“Nëse po përdorni negativitetin për të kontrolluar njerëzit që po punojnë për ju, ata do të ushqejnë pakënaqësi që do të ndikojë në biznesin tuaj,” thotë Gary.

Dhe ky lloj suksesi nuk do të zgjasë shumë gjatë.

Për t’u siguruar që mirësia është pjekur në kulturën e kompanisë VaynerMedia, Gary ka bërë kreun e burimeve njerëzore personin e dytë më të rëndësishëm në kompani.

Lexoni: Udhëzuesi i Jack Ma për zhvillim dhe sukses

  1. Atë që mbjell, do ta korrësh

“Realiteti është se, mundësitë e fituara nga njerëzit e mirë për shkak të mirësisë së tyre janë të paçmuara,” thotë Gary.

“Mendoni për këtë. Sa herë keni bërë diçka që ndikon plotësisht në jetën e një personi bazuar në mënyrën se si jeni ndjerë për to? Ndodh gjatë gjithë kohës.”

“Mirësia gjithmonë shpërblehet. Dikush është gjithmonë duke parë, por është e rëndësishme të mos prisni asgjë në këmbim. Ju duhet të jeni në gjendje të jepni më shumë sesa të prisni t’ju japin”, thotë Gary dhe,”kur të arrini këtë, do të merrni më shumë mundësi sesa e keni imagjinuar”.

burimi: SuccessResources

Must watch
Business Mag Nr. #22 - Dhjetor 2019

Kemi ndjekur me vëmendje zhvillimet në ekonomi, e në veçanti ata që ne i quajmë gjeneratorët e kësaj ekonomie, sipërmarrësit privatë. Padyshim që sfidat janë të mëdha. Tregje të pa konsoliduara, konkurrencë e pandershme në shumë sektorë, pak mundësi për financim dhe investime në projekte të reja, Por ne kemi vërejtur gjithashtu një dinamikë e dëshirë të madhe për të ecur përpara.

Në Numrin 22 të Revistës së Businessmag, ju do të gjeni sipërmarrës të dhjetëvjeçarit të fundit, të cilët po shënojnë historinë e tyre të suksesit pa u ndier. Aktivë, energjikë, vizionarë dhe shumë të thjeshtë, ata mund të jenë një model shumë i mirë për t’u ndjekur. I tillë është Urani. Pasioni për perfeksionizëm e siguri nuk ia ul ritmin marramendës të ngritjes dhe zhvillimit të një biznesi. Ai sot ka ngritur një rrjet biznesesh të tija dhe administron edhe sipërmarrje të tjera.

Në brendësi të revistës do të gjeni edhe sipërmarrës të tjerë, nga Shqipëria dhe Kosova.

Ky numër u është dedikuar personazheve të suksesshshëm dhe zhvillimit të aftësive në shërbim të tregut. Ndaj i kemi dedkuar një paketë speciale artikujsh kapitalit njerëzor, rëndësisë së tij, sfidave dhe projekteve të vitit të arshshëm, të prezantuara në Shkollën Verore organizuar nga projekti zviceran “Aftësi për Punë”.

Mes personazheve ju sjellim Brizida Delvina, administratore e një hoteli në Tiranë, Ajo ka zhvilluar një karrierë ideale në fushën e hoteleri-turizmit. Edhe pse Brizida pëlqen të rrijë larg vëmendjes, ajo është një model frymëzues dhe një mentore e mundshme, tashmë edhe për ju që do …

Shiko më shumë
Na ndiqni në rrjetet sociale