Më 3 qershor, Italia do të lejojë udhëtimet dhe fluturimet brenda e jashtë vendit, në vazhdën e lehtësimit të masave pas coronavirusit.
Kryeministri Giuseppe Conte nënshkroi një dekret këtë të shtunë, ndërsa më herët gjatë javës, qeveria miratoi një paketë prej 55 miliardë eurosh për të kompensuar ndikimin ekonomik të pandemisë tek familjet dhe bizneset.
Nuk ishte e qartë menjëherë nga dekreti i qeverisë nëse masat ishin të kufizuara për banorët e Bashkimit Evropian, por media italiane raportoi më herët të premten se dekreti do të zbatohej për njerëzit brenda zonës së Shengenit pa viza në BE dhe Evropë.
Lexoni: Italia: familjet do të kenë deri në 500 euro për pushimet verore
Burime qeveritare i thanë të përditshmes La Repubblica dhe agjencisë së lajmeve Adnkronos se nuk do të jetë e detyrueshme që udhëtarët të vetë-karantinohen pas hyrjes në Itali pas 3 qershorit.
Deklarata e qeverisë, megjithatë, nuk përmend se cilat masa shëndetësore dhe sigurie do të zbatohen nga udhëtarët.
Ky vendim përbën një hap madhor në përpjekjet e vendit për të rihapur ekonominë, pas më shumë se dy muajsh karantinë. Italia kishte një prej bilanceve më të tragjike të vdekjeve për shkak të COVID-19, por nivelet e infektimit kanë rënë ndjeshëm gjatë ditëve të fundit.
Kujtojmë se Italia ishte vendi i parë në Evropë që vendosi kufizime mbarëkombëtare kur rastet me coronavirus filluan të shfaqeshin në rajonet veriore në muajin shkurt.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
