Irani sulmon Shqipërinë, bie sistemi TIMS: Çfarë ndodhi mbrëmë në orën 23:13, a janë vjedhur të dhënat e shqiptarëve? - Business Magazine Albania

Irani sulmon Shqipërinë, bie sistemi TIMS: Çfarë ndodhi mbrëmë në orën 23:13, a janë vjedhur të dhënat e shqiptarëve?

Irani sulmon Shqipërinë, bie sistemi TIMS: Çfarë ndodhi mbrëmë në orën 23:13, a janë vjedhur të dhënat e shqiptarëve?

Pas sulmeve të vazhdueshme gjatë muajve të fundit që kulmuan me ato të korrikut, duke ndërprerë shërbimet qeveritare online, Irani duket se ka nisur një ofensivë tjetër ndaj Shqipërisë, në shenjë hakmarrje, pas shkëputjes së marrëdhënieve diplomatike.

Objektivi i hakerave të Iranit ka qenë tashmë sistemi TIMS, i cili rregullon hyrje-daljet në Republikën e Shqipërisë dhe përbën thelbin e kontrollit kufitar të vendit. Gjatë mbrëmjes së të premtes janë raportuar probleme me këtë sistem, si edhe shtim të radhëve të qytetarëve nga brenda dhe jashtë kufirit të Shqipërisë për shkak të një problem në sistemin TIMS, i cili fillimisht nuk u kuptua se përse ndodhi.

Sulmi ka ndodhur fillimisht në orën 22:10, duke ndërprerë fillimisht shërbimet në të. Një goditje tjetër ndodhi në orën 23:13, duke bërë të pamundur aksesin në këtë sistem nga shërbimet policore në doganat e vendit.

Në lidhje me këtë sulm, reagoi sot edhe kryeministri Rama, i cili tha se burimi i tij ishte nga Irani dhe se qeveria po bashkëpunon me partnerët për të mundësuar shërbimin dhe rikthimin në punë të sistemit TIMS.

Nuk dihet ende nëse iranianët kanë patur apo jo akses në këtë sistem, i cili edhe nga vetë policia administrohet me akses të kufizuar. Madje, çdo punonjës policie që futet dhe kërkon për lëvizjet një qytetari të caktuar në atë sistem, lë gjurmë.

Ashtu siç theksoi edhe Microsoft dy ditë më parë në raportin e tij mbi sulmin kibernetik ndaj Shqipërisë, hakerat iranianë kanë gjetur të çara në sistemin e mbrojtjes së vendit, duke bërë që ta kenë të lehtë të hyjnë dhe të dalin disa herë nga sistemi, momente gjatë të cilave kanë marrë shumë materiale.

Marrja e të dhënave është dëmi më i madh që ky sulm i ka bërë Shqipërisë, gjë e cila është mohuar nga qeveria deri më tani. AKSHI është një ndër institucionet që ka thithur sasi të mëdha parash nga buxheti i shtetit, por vendin mbetet vulnerabël ndaj sulmeve nga jashtë.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #30 - Nëntor 2022
Shiko më shumë
Na ndiqni në rrjetet sociale
0